"ოცნება ხალხის პასუხს 2020-ში აუცილებლად მიიღებს და მოუწევს ძალაუფლების დათმობა"- დავით ჭიჭინაძე

პოლიტიკა - 16:29, 15 Jan, 2020

766

Human Rights Watch-ის მიერ გამოქვეყნებული უმწვავეს ანგარიშის მოძრაობა „ტრიბუნას“ დამფუძნებელი "ნიუპოსტთან" აფასებს.

დავით ჭიჭინაძე ამბობს, რომ საერთაშორისო ორგანიზაციის დასკვნაში მოხვდა, ყველა ის მძიმე მოვლენა, რომელიც 2019 წელს ქვეუანაში ვითარდებოდა.
"დოკუმენტში მოხვდა ყველა ის მოვლენა, რომელიც არამარტო ოპოზიცფიის არამედ საზოგადოების პროტესტსაც იწვევდა. დასკვნაში მითითებულია, ხაზგასმულია ყვლა ის დარღვევა, რომელიც ქვეყანაში არსებობს. აქიდან გამომდინარე, ვთვლი, რომ "ქართულმა ოცნებამ" კიდევ ერთი ნაბიჯი გადადგა იმ ღირებულებებთან დაშორებით, რასაც ცივილიზებული სამყარო ატარებს. სხვანაირ ანგარიშს არც კი მოველოდი. როგორ გგონიათ, ის რაც 2019 წლის 20 ივნისიდან მოყოლებული "ქართულმა ოცნებამ" საზოგადოებას აკადრა, არ მგონია, რომ ვინმეს მოწონება დაიმსახუროს"- აცხადებს ჭიჭინაძე.
მოძრაობა „ტრიბუნას“ დამფუძნებელს იმედი არ აქვს, რომ ხელისუფლება ამ სიგნალს გაითვალისწინებს:
"მსგავსი სიგნალების გათვალისწინება რომ ნდომოდა ხელისუფლებას, მის მიერვე მიღებულ გადაწყვეტილებას არ შეცვლიდნენ. არ ჩაიდენდნენ იმას რაც გააკეთეს 20 ივნისის ღამეს. მსგავსი განცხადებები და მოწოდებები რომ გაითვალისწინონ, მათ ხელისუფლების დათმობა მოუწევთ. საქართველოში არ გვინახავს, რომ ხელისუფლება ძალაუფლებას მისივე სურვილით თმობდეს, ყოველთვის ხალხის გადაწყვეტილებით, შეტევით ხდება ხელისუფლების დათმობა. "ქართული ოცნება" 2020 წელს ხალხის პასუხს აუცილებლად მიიღებს და მოუწევს ხელისუფლების დათმობა"- თქვა ჭიჭინაძემ.