"მამუკა ხაძარაძეს ამერიკული მხოლოდ დოლარები უყვარს, თორემ მან ბორჯომიც კი რუსებს მიყიდა და საიდან გვაქვს იმის გარანტია, რომ ანაკლიის პორტსაც რუსებს არ მიყიდიდნენ?!“ - პოლიტიკური მოძრაობა „ტრიბუნას“ ლიდერი „ლელოს“ დამფუძნებელს "ფსევდოდასავლურობაში" ამხელს.

"ანააკლიის პორტს რაც ეხება, ყველას კარგად გვახსოვს, „ნაცების“ დროს, 35 ნავსადგურზე გათვლილი პროექტი „ლაზიკა“, საიდანაც 100 მილიონი ტონა ტვირთი უნდა გადაეტვირთათ.
ანუ, როგორ შეიძლება დღეს, როდესაც პროექტის ინვესტიცია ერთ მესამედამდეა შემცირებული, მაინც 100 მილიონ ტონა ტვირთზე ვსაუბრობდეთ?!

თანაც ნაყარ ტვირთებზე არასოდეს ყოფილა საუბარი, მხოლოდ საკონტეინერო ტვირთებზე.
და ამიტომ მაინტერესებს:
რატომ გაჩნდა ნაყარი ტვირთები?
რატომ დაიწყო „მაერსკისთვის“ და მასთან მოთანამშრომლე კომპანიებისთვის ხელის შეშლა და მონოპოლიის მოთხოვნა რატომ გაჩნდა შავ ზღვაზე?!

და ეს ყველაფერი, რა თქმა უნდა, იგივე კონკრეტულად ხაზარაზის ჯგუფის მიერ!
რადგან მათ სისხლში აქვთ მონოპოლისტობა და ამას ბორჯომის ისტორიაც ადასტურებს, როდესაც მათ გენერალური ლიცენზიის ხელში ჩაგდება უნდოდათ.

შეხსენებისთვის. ჯერ კიდევ მაშინ, როდესაც საქართველოს მოქალაქეები, თუნდაც წყლის რესურსებით აპირებდნენ ცხოვრებას, აი ასეთი სტრატეგიული მნიშვნელობის წყალი მიყიდა რუსებს, კერძოდ კი, „ალფა“ ჯგუფს და დღეს, „ბორჯომის“ ყიდვა რომ ვინმეს მოუნდეს, მოსკოვში უნდა ჩავიდეს და იქ გააფორმოს შესაბამისი ხელშეკრულება.

ამიტომ ვამბობ ყოველთვის, რომ მონოპოლისტობა - ეს მათი ბუნებრივი მოთხოვნილებაა.
ეს საბანკო სექტორსაც ეტყობა, ორი ძირითადი მოთამაშეა და იქაც მონოპოლისტები არიან.

აბა თუ მართლა რამის გაკეთება უნდოდათ, ვინ უშლიდათ ხელს?!
მითუმეტეს, რომ მაშინ პრემიერად კვირიკაშვილიც ყავდათ, რომელმაც 130 მილიონი გამოუყო მიწების საყიდლად, გარანტიებიც შეუქმა და საპენსიო რეფორმაც მათთვის მოაწყო და არა ადამიანების ღირსეული სიბერისთვის.
( ისე, ვინაა დარწმუნებული რომ იმ მიწებში ფული არ გაკეთდა?!
ან ვინ არის იმ ფულზე პასუხისმგებელი?!)

პირადად მე, 2018 წლის თებერვალში ვიყავი პორტში, სადაც 5 ძროხა დადიოდა და 2 ტრაქტორი მუშაობდა...
მოკლედ ფაქტია, ხაზარაზის და მისი ჯგუფის მთავარი მიზანი, საპენსიო რეფორმიდან მიღებული ფულის პორტის მშენებლობაში დაბანდება და იქიდან დამატებითი შემოსავლის მიღება იყო და არა ინვესტორების მოზიდვა.

მაგრამ დარწმუნებული ვარ, აუცილებლად მოვა დრო და ეს საქმეები აუცილებლად გამოძიებული იქნება"- აცხადებს ჭიჭიჭინაძე.