საქალაქო სასამართლოში 20 ივნისის საქმეზე დაკავებულების: ზურაბ ბუდაღაშვილის, ცოტნე სოსელიას, ბესიკ თამლიანისა და კახაბერ კუპრეიშვილის სასამართლო პროცესი მიმდინარეობს.

ადვოკატის ინფორმაციით, პროცესს პროტესტის ნიშნად არ დაესწრება ბესიკ თამლიანი. თამლიანი მის მიმართ პოლიტიკურ დევნას აპროტესტებს.

დღევანდელ პროცესზე ბრალდების მხარის ორი მოწმე დაიკითხება. პროცესის დაწყებამდე ადვოკატმა ვახტანგ იაშვილმა განაცხადა, რომ ეს არის პოლიტიკური დევნა.

„დღეს ბრალდების მხარე, როგორც ყოველთვის, წარმოგვიდგენს რამდენიმე მოწმეს, რომლებიც არ იქნება გასაკვირი, თუ ვიტყვით, რომ არიან პოლიციელები, დაინტერესებული მხარე. ჩვეულებრივი თეატრალური წარმოდგენაა, უბრალოდ კომედიურ-ტრაგიკული ჟანრიდან, ამ ბიჭების მიმართ პოლიტიკური დევნა მიმდინარეობს, რომლებსაც წესით ჩვენ უნდა დავუფასოთ მცდელობა და მონდომება, დაეცვათ ჩვენი ქვეყნის ღირსება. ვერ დავარქმევ ამ პროცესს სამართლებრივს და მითუმეტეს სამართლიანს", - განაცხადა ადვოკატმა.