რუსეთის მიერ ოკუპირებული აფხაზეთში ოპოზიციის წარმომადგენლებმა და მათმა მომხრეებმა ე.წ. პრეზიდენტის ადმინისტრაციის შენობის ბლოკირება განახორციელეს.

„რია ნოვოსტის“ ცნობით, „დეპუტატის“ დიმიტრი დბარის განცხადებით, ვიდრე ხაჯიმბა არ გადადგება, არსად წასვლას არ აპირებენ.

ამის პარალელურად ოკუპირებული აფხაზეთის ე.წ. პრეზიდენტმა რაულ ხაჯიმბამ სოხუმში განვითარებული მოვლენების გამო, სპეციალური განცხადება გაავრცელა.

„მე, როგორც კონსტიტუციის გარანტმა გავეცი ყველა საჭირო დავალება, რათა არ დავუშვათ სიტუაციის განვითარება სამართლებრივ ველს მიღმა. ამ არცთუ მარტივ ვითარებაში უნდა შევინარჩუნოთ სიმშვიდე და საფრთხის ქვეშ არ დავაყენოთ ჩვენი სახელმწიფოს არსებობა. სახელმწიფო ხელისუფლების ყველა ორგანო საშტატო რეჟიმით მუშაობს. ძალოვანი სტრუქტურები გადაყვანილნი არიან გაძლიერებულ რეჟიმზე. საჭიროების შემთხვევაში, მივიღებ ზომებს ქვეყანაში საგანგებო მდგომარეობის გამოსაცხადებლად“ - ნათქვამია ე.წ. პრეზიდენტის განცხადებაში.