მთავრობის მეთაური ჩემოდანს ალაგებს - "გახარია პეპელასავით ყველაზე დღემოკლე პრემიერი გამოდგა"

პოლიტიკა - 17:45, 09 Jan, 2020

4319

ინფორმაცია, რომ საქართველოს მთავრობა მალე შეიცვლება ოპოზიციაში და მედიაში განხილვის ერთ-ერთი მთავარი თემაა.

პოლიტიკოსები ღიად ალაპარაკდნენ, რომ გიორგი გახარია თანამდებობის დასატოვებლად ემზადება.

არსებული ინფორმაციით, პრემიერი გიორგი გახარია ძალიან მალე „ქართუ ჰოლდინგის“ პოსტზე გააგრძელებს მუშაობას.

მოსალოდნელ ცვლილებაზე საუბრობს "ერთიანი ნაციონალური მოძრაობის" ლიდერი ნიკა მელია.

ოპოზიციის ლიდერი აღნიშნავს, რომ "გახარია, რომლის გაპრემიერება თითქოს ასე პრინციპული იყო ივანიშვილისთვის, ოთხი თვის თავზე მალფუჭებადი პროდუქტივით გადასაგდებია".

"მალე ექვთიმიზებულ ოლიგარქს ახალი პრემიერი ეყოლება. ეს უკვე მისი რიგითი მეხუთე პრემიერი იქნება ღარიბაშვილის, კვირიკაშვილის, ბახტაძისა და გახარიას შემდეგ.

გახარია პეპელასავით ყველაზე დღემოკლე პრემიერი გამოდგა - პრემიერობის ოთხი თვე შეუსრულდა და უკვე ჩემოდანს ალაგებს.

გახარია, რომლის გაპრემიერება თითქოს ასე პრინციპული იყო ივანიშვილისთვის, ოთხი თვის თავზე მალფუჭებადი პროდუქტივით გადასაგდებია.

როცა საზოგადოება ითხოვდა მის თავს, ივანიშვილმა იგი არ დათმო.

20 ივნისის შემდეგ, პრობლემა ივანიშვილის სისუსტეში იყო და არა გახარიას სიძლიერესა და შეუცვლელობაში. ივანიშვილი სიჯიუტით ცდილობდა წაშლილი სახის შენარჩუნებას.

საკუთარ ძალებში დარწმუნებული და ხალხის მხარდაჭერის მქონე ძლიერი პოლიტიკური ლიდერი არ ერიდება საზოგადოებასთან დათმობას, კომპრომისს. მხოლოდ სუსტს და პანიკაში მყოფს ჰგონია, რომ სხვისთვის დათმობა ბოლოს მოუღებს მის ძალაუფლებას.

მოკლედ, ექვთიმე ვისაც ახლა დანიშნავს, იმას ვეღარ გამოცვლის. წელს ხალხი მასაც და მის ახალ პრემიერსაც ერთად გამოცვლის თაიგულად"- აცხადებს მელია.