"ქვეყანაში კანონის ნაცვლად მოქმედებს ბიძინა ივანიშვილის სამართალი, რომელიც ხელს აფარებს დამნაშავე სპეცრაზმელსაც და კრიმინალებსაც, საკუთარი პოლიტიკური მიზნების გასატარებად"

"ქვეყანაში კანონის ნაცვლად მოქმედებს ბიძინა ივანიშვილის სამართალი, რომელიც ხელს აფარებს დამნაშავე სპეცრაზმელსაც და კრიმინალებსაც, საკუთარი პოლიტიკური მიზნების გასატარებად" - ბაჩუკი ქარდავა

პოლიტიკა - 15:38, 08 Jan, 2020

826

"ეროვნულ დემოკრატიული პარტიის" ლიდერის ბაჩუკი ქარდავას შეფასებით, ქვეყანაში ორმაგი სამართალი მოქმედებს.
გაერთიანებული ოპოზიციის ერთ-ერთი ლიდერი სპეცდანიშნულების რაზმის წევრის მიერ 24 წლის ბიჭის წამებით მკვლელობას გამოეხმაურა და თქვა, რომ დღეს ქვეყანაში მოქმედებს არა რეალური, არამედ მხოლოდ ერთი სამართალი და ესაა ბიძინა ივანიშვილის და "ქართული ოცნების".

"ქვეყანაში კანონი ფაქტობრივად არ მუშაობს. ამაზე მეტყველებს საზარელი მკვლელობის საქმე, რომელზეც საქმე აღძრულია არა მკვლელობის, არამედ სხვა მუხლით. ეს მიანიშნებს იმაზე, რომ ამ ქვეყანაში მოქმედებს ორმაგი სტანდარტი, მოქმედებს ორმაგი სამართალი: ერთი სამართალი, რომელიც არ მუშაობს ეს არის რეალური სამართალი და კანონი, მეორე არის ბიძინა ივანიშვილისა და "ქართული ოცნების" სამართალი. ამ საქმეშიც არის კვალი და მცდელობა იმისა, რომ საქმე ისე გაფუჭდეს, რომ სიმართლის დადგენა შეუძლებელი გახდეს. არადა სიმართლე ზედაპირზე დევს. თუ ხელისუფლების ინტერესია ვიღაცას ხელი დააფაროს, იქნება ეს მაღალი თუ რიგითი სპეცრაზმელი, მას აუცილებლად ხელს დააფარებს. ჩვენ ვნახეთ რაც მოხდა სარალიძისა და მაჩალიკაშვილის შემთხვევაში... ივანიშვილის ხელისუფლება არათუ სპეცრაზმელებს არამედ შავი სამყაროს წარმომადგენლებს აფარებს ხელს და ორივე შემთხვევაში მათ იყენებს საკუთარი პოლიტიკური მიზნების გასატარებლად" - აცხადებს ბაჩუკი ქარდავა