ე.წ. ციანიდის საქმეზე მსჯავრდებული დეკანოზის მდგომარეობა მძიმეა. ადვოკატი, რომელიც სასულიერო პირს საკანში შეხვდა, აცხადებს, რომ მდგომარეობა კრიტიკულია.

მიხეილ რამიშვილი სასულიერო პირის მდგომარეობას ასე აღწერს: "ნაომარი, ხეიბარი ვეტერანები რომ არიან, ასეთ მდგომარეობაშია".

მისივე ინფორმაციით, მსჯავრდებული საკაცით ჩამოიყვანეს.

„მარჯვენა ხელ-ფეხი აქვს უმოქმედო და ფორმაც კი დაკარგული აქვს. მარცხენა და მარჯვენა მხარე ერთმანეთისგან განსხვავდება. გადაადგილება უჭირს და საკაცით ჩამოჰყავთ. არც ჯდომა შეუძლია. წოლით მდგომარეობაშია. ყველანაირი პირობა აქვს შექმნილი, რომ სამედიცინო დახმარება არ მიიღოს, კომუნიკაცია ვერ დაამყაროს, ვისთანაც უნდა. გესტაპოს პერიოდში შექმნილი პირობები საქართველოში 21-ე საუკუნეშიც მოქმედებს...

მას მიზანმიმართულად უტარდება მისი ჯანმრთელობის მდგომარეობასთან შეუსაბამო მკურნალობა. თითქმის არაფერს აკეთებენ. იმ პროცედურებსა და გარემოს, რაც დეკანოზს სჭირდება, სასჯელაღსრულების დაწესებულებიდან ვერ იღებს. მათ არ გააჩნიათ არც მედიკამენტები და არც სპეციალისტები, რაც დეკანოზს სჭირდება,“ -აცხადებს უფლაბადამცველი.