უწყლობა ზამთრის კურორტებზე - გრიგოლ მანდარია და მაია ცქიტიშვილი ურთიერთგამომრიცხავ განცხადებებს აკეთებენ

პოლიტიკა - 16:17, 07 Jan, 2020

1009

არის თუ არა ზამთრის კურორტებზე წყალი - ინფრასტრუქტურის მინისტრი მაია ცქიტიშვილი და წყალმომარაგების კომპანიის ახალი ხელმძღვანელი, გრიგოლ მანდარია ჟურნალისტებს განსხვავებულ ინფორმაციას აწვდიან.

ცქიტიშვილი აცხადებს, რომ კურორტებზე წყალმომარაგების პრორბლემა მოგვარებულია და დამსვენებლებს წყალი მიეწოდება.

„ყველა იმ მაცხოვრებელს და დამსვენებელს ბოდიშს ვუხდი, თუმცა ჩვენთვის ძალიან მნიშვნელოვანი იყო იმ პრობლემის მოგვარება, რაც წყალმომარაგებასთან დაკავშირებით 31 დეკემბრიდან შეიქმნა. იცით, რომ ჩვენ აღვადგინეთ წყალმომარაგება, მაგრამ მერე დაემთხვა ორი ავარია. ახლა აღდგენილია კვლავ წყალმომარაგება, ამასთან ერთად ასევე განუწყვეტლივ რეჟიმში ვაწვდიდით წყალს წყალმზიდების საშუალებით და ასევე გაგრძლედება ისევ, რათა მათ წყლის საჭირო მარაგი ჰქონდეთ“, - აცხადებს მაია ცქიტიშვილი.

გრიგოლ მანდარია კი აცხადებს, რომ წყალმომარაგების მიწოდება გაზრდილია, მას უახლოეს საათებში წყალმომარაგების სრულად აღდგენის იმედი აქვს.

„პრობლემები იყო. რამდენიმე დღეა ბაკურიანში ვართ, მიღწეულია გარკვეული შედეგები და ვფიქრობთ, რომ 2-3 დღეში სრულად მოხდება წყალმომარაგების მიწოდება. რაც შეეხება გუდაურს, უკვე გაზრდილია წლის მიწოდება და უახლოეს საათებში ვფიქორობთ მლიადან გუდაურის მოსახლეობას სრულად ექნება აღდგენილი“, - აცხადებს მანდარია.

თავად დამსვენებლების ინფორმაციით, წყალი მოსახლეობას ჯერ კიდევ შეფერხებით მიეწოდება.