ეკლესიის კარზე მორიგი სკანდალი მწიფდება:"ნუ ჰგონიათ, ბოლომდე ჩუმად ვიქნები, პასუხს ვაგებინებ"

ეკლესიის კარზე მორიგი სკანდალი მწიფდება:"ნუ ჰგონიათ, ბოლომდე ჩუმად ვიქნები, პასუხს ვაგებინებ" - მეუფე იაკობის მორიგი მუქარა

პოლიტიკა - 09:44, 07 Jan, 2020

1403

ეკლესიის კარზე მორიგი სკანდალი მწიფდება - დღის სინათლეზე მეუფე იაკობი ისევ გამოჩნდა და წმინდა ნინოს სახელობის ტაძარის ამბიონიდან თქვა, რომ ჩუმად ყოფნას არ აპირებს.

საშობაო წირვის შემდეგ, ბოდბელმა ეპისკოპოსმა საპატრიარქოში არსებულ დაპირისპირებაზე, მეუფე პეტრე ცაავაზე და დეკანოზ გიორგი მამალაძის შეწყალების საკითხზე ისაუბრა.

"ვითომ სიმართლისთვის იბრძვიან და სინამდვილეში, იმ ადამიანებს ჭკუა აქვს, ვინც ახლა პატრიარქს ბრძოლას გამოუცხადებს? ერთი გრამი ჭკუის ნატამალიც არ აქვს მას. დღეს არ მინდა მაგ თემაზე საუბარი, ცოტა ხნით ქვეყნიდან გავდივარ, დავბრუნდები და ეს საკითხი მოსაკითხია, აბა - რა იციან, რა უნდათ და რას იძახიან. ერთია, რას იძახი და მეორე - რას ამტკიცებ. ზოგი ღვთის შვილი ღმერთის გზას მიყვება, ზოგი, სამწუხაროდ, აცდენილია. ღმერთმა უშველოს ყველას. ვისურვებდი ცოტა მეტად იფიქრონ. როდესაც გვყავს მამა და შეურაცხყოფენ, მის გვერდით ვარ ამდენი წელია და ჩემზე მეტს რას ხედავენ, ისინი სად და ვისთან ერთად დადიან, გადახედონ.

თქვან, რა იციან, ბოლომდე ამოიღონ ხმა, სიმართლესაც ვნახავთ, ერთმანეთს რატომ იცავენ. რა ცოდვამ დააკავშირა ისინი ერთმანეთს, მაგასაც გაჩვენებთ.

ნუ ჰგონიათ, ბოლომდე ჩუმად ვიქნები. ღმერთს შევთხოვ, ვიღაცები გონებაზე მოიყვანოს. უწმინდესის აუგად ხსენებას არათუ ეკლესიაში აღარ მოვუთმენთ ერთმანეთს, არამედ გარეთ პასუხს მოვთხოვთ,"- აღნიშნა მეუფემ.

ბოდბელმა ეპისკოპოსმა,დეკანოზის გათავისუფლების საკითხზე განმარტა, რომ პრეზიდენტმა პატრიარქის და საპატრიარქოს შეთავაზება არ გაითვალისწინა.

მეუფე იაკობი "პატრიარქის შეურაცხყოფის გამო", ჭყონდიდის ყოფილ მიტროპოლიტ პეტრე ცაავას ღიად ემუქრება.

„პეტრე რომ გამოდის და ზედმეტებს ლაპარაკობს ალბათ, მოუწევს მაგაზე პასუხი, ალბათ, კი არა მოუწევს და ვაგებინებ პასუხს,“ - განაცხადა ბოდბელმა ეპისკოპოსმა მეუფე იაკობმა.