გაერთიანებული ოპოზიციისა და "ერთიანი ნაციონალური მოძრაობის" ლიდერი ე.წ. ციანიდის საქმეზე მსჯავრდებული დეკანოზის არშეწყალებას ეხმაურება და აცხადებს, რომ საწყენია, როცა საპატრიარქოც კი ტყუილებშია ჩაფლული.

ოპოზიციონერი ინტერესდება, სქაიდან აქვს ზურაბიშვილს არშეწყალების კრიტერიუმბე ისაუბროს, მაშინ როცა ციხიდან მკვლელები გამოუშვა:

"ითვალთმაქცა საპატრიარქომ, ითვალთმაქცა ზურაბიშვილმა და ვინ, თუ არა ივანიშვილმა. ეს ყველაზე რბილი შეფასებაა, რასაც ადრე თუ გვიან ნათელი მოეფინება. უბრალოდ საწყენია, როცა საპატრიარქოც კი ტყუილებშია ჩაფლული, რისი უნდა ირწმუნოს ადამიანმა?! ეს ყველაფერი იყო შეთანხმებული ივანიშვილთან და ზურაბიშვილმა გააკეთა ის, რაც გააკეთა.

არაუშავს, გაუძლებს ის ადამიანი ციხეში, როცა იქნება გამოვა და ბევრ საკითხზე ისაუბრებს. უბრალოდ, მორალური უფლება საიდან აქვს ზურაბიშვილს, ისაუბროს მამალაძის რაღაც კრიტერიუმების ვერ დაკმაყოფილებაზე, როცა პოლიციელის მკვლელი ჰყავს შეწყალებული"- აცხადებს მელია.