"დღეს ჩვენ ვნახეთ, "აი სპასიბა აიბოლიტ"... სოფლის ბატონს მონები მადლობას უხდიან"

"დღეს ჩვენ ვნახეთ, "აი სპასიბა აიბოლიტ"... სოფლის ბატონს მონები მადლობას უხდიან" - შაშკინი განათლების მინისტრზე

პოლიტიკა - 14:30, 29 Dec, 2019

1394

განათლების ყოფილი მინისტრი, დიმიტრი შაშკინი მიხეილ ჩხენკელის კომენტარს ეხმაურება.
საუბარია განათლების მოქმედი მინისტრის, განცხადებაზე, რომელიც მან ანზორ ერქომაიშვილის სამეცნიერო ნაშრომის პრეზენტაციაზე გააკეთა. ჩხენკელმა ბიძინა ივანიშვილი ექვთიმე თაყაიშვილს შეადარა და მადლობა გადაუხადა.
დიმიტრი შაშკინი "ნიუპოსტთან" აცხადებს, რომ ეს იყო სამარცხვინო სანახაობა, როცა სოფლის ბატონს მონები უხდიდნენ მადლობებს.
მისი თქმით, განათლების მინისტრი სიტყვასაც კი არ ამბობს განთლების სისტემაში არსებულ უამრავ პრობლემაზე და პირდაპირ მადლობას უხდის ბიძინა ივანიშვილს.
"დღეს ვნახეთ კიდევ ერთი სამარცხვინო სანახაობა, როდესაც სოფლის ბატონი ზის და მონები უხდიან მადლობებს. ჩვენ გვყავს ერთი მინისტრი, რომელიც მეორედ დაინიშნა, განათლების მინისტრს ვგულისხმობ, რომლის სახელი და გვარი საქართველოს მოსახლეობის 99%-მა არ იცის. განათლების მინისტრია, თან მეორედ დანიშნული განათლების მინისტრი და ისიც ხმას კი არ იღებს განათლებაზე, ხმას არ ირებს იმ პრობლემებზე, რომელიც განათლების სისტემაზე ან იმაზე, თუ რა არის გასაკეთებელი სისტემაში. ის გამოირჩევა ბატონ ბიძინას მიმართ მადლობების გადახდით. საერთოდ ჩემი თაობის ადამიანებს ახსოვთ, საბჭოთა კავშირში იყო მულტფილმი, სადაც ცხოველები მღეროდნენ სიმღერას, "აი სპასიბა, აიბალიტ". იმ ულტფილმში აიბოლიტი მაინც კურნავდა ამ ცხოველებს და აქ იმიტომ უხდიან მადლობებ, რომ აძლევს საშუალებას ცოტ-ცოტა მოიპარონ ბიუჯეტიდან, ზოგს ბევრის შესაძლებლობასაც აძლევს.

ძალიან სამარცხვინო სანახაობაა თუმცა სხვას, რას ველოდით ამ მთავრობისგან და ამ ხელისუფლებისგან. თურმე, განათლების მინისტრის აზრით, "ნაციონალური მოძრაობის" დროს ვენახი იჩეხებოდა და ბატონმა ბიძინამ გადაარჩინა ვენახები და საქართველოში მართლა ომ არ ბნელა, ყველას კარგად ახსოვს, რომ ზუსტად "ნაციონალური მოძრაობის" მთავრობაში ყოფნის დროს, სააკაშვილის პრეზიდენტობის პერიოდში ქართული ღვინო გადარჩა და გავიდა საერთაშორისო ბაზარზე. ნებისმიერ კახელ გლეხს ჰკითხეთ რა ღირდა ყურძენი 8, 9 წლის წინ და რა ღირს ახლა. ეს ხომ ციფრებია, ჩვეულებრივი მათემატიკაა, მაგრამ რას ვიზამთ, ასეთი მთავრობა გვყავს და აზრი არ აქვს მათ ელაპარაკო მაღალ მატერიებზე. უფრო მარტივია მათთვის რომ ელაპარაკო რუსული, საბჭოური კლასიკის მაგალითებით, როგორიც არის მაგალითად, მაქსიმ გორკის რომანი рожденный ползать летать не может (ცოცვისთვის დაბადებული ფრენას ვერ შეძლებს)ზუსტად ეს არის ჩვენი მთავრობა" - აცხადებს დიმიტრი შაშკინი "ნიუპოსტთან".