„დავით თარხან-მოურავი ორჯერ იყო მოსკოვში... მთელი ღამე არ მეძინა... ვიცოდი მე და არ იცოდა ხელისუფლებამ“

„დავით თარხან-მოურავი ორჯერ იყო მოსკოვში... მთელი ღამე არ მეძინა... ვიცოდი მე და არ იცოდა ხელისუფლებამ“ - ირმა ინაშვილი

პოლიტიკა - 12:45, 28 Dec, 2019

730

ოკუპირებული ცხინვალის ტყვეობიდან გამოხსნილი ექიმის ვაჟა გაფრინდაშვილის გათავისუფლებას საკუთარ დამსახურებად აცხადებს „პატრიოტთა ალიანსის’ ლიდერი ირმა ინაშვილი და ამბობს, რომ დავით თარხან-მოურავი „პირდაპირ ხაზზე იყო რუსეთის დუმაში კოლეგებთან“.

„დღევანდელი დღე რომ შედგა ამაში და ვაჟა გაფრინდაშვილის გათავისუფლებაში წვლილი შეიტანა კონკრეტულად ჩვენმა პოლიტიკურმა გუნდმა; დავით თარხან მოურავმა, მე და ჩვენმა ძალისხმევამ! მთელი ამ ხნის განმავლობაში არ გაგვიჩერებია ძალისხმევა, იმისათვის, რომ შემდგარიყო ვაჟა გაფრინდაშვილის გათავისუფლება. დავით თარხან მოურავი ორჯერ იყო ჩვენს კოლეგებთან მოსკოვში. ჩვენ გვაქვს პირდაპირი ხაზი ჩვენს კოლეგებთან რუსეთის "დუმაში" და მათი დახმარებით მოხდა ყველაფერი.

მე მთელი ღამე არ მეძინა; თეთრად გავათენე... იმიტომ, რომ ვიცოდი მხოლოდ მე და არ იცოდა ხელისუფლებამ... მე რომ მივედი დილით, ერგნეთის გამშვებ პუნქტზე, მაშინ დაიწყო საპატრულო პოლიციამ, „სუსმა“ და სხვადასხვა სტრუქტურებმა მოძრაობა“ - აცხადებს ინაშვილი.