"არ მაინტერესებს ვინ შეეცდება "ქულების" ჩაწერას... თუ უნდათ კუხიანიძე დაახვედრონ თბილისის შესასვლელთან... მთავარია, ხალხის ბრძოლამ აიძულა მოსკოვს უკან დაეხია"

"არ მაინტერესებს ვინ შეეცდება "ქულების" ჩაწერას... თუ უნდათ კუხიანიძე დაახვედრონ თბილისის შესასვლელთან... მთავარია, ხალხის ბრძოლამ აიძულა მოსკოვს უკან დაეხია" - ზურაბ მელიქიშვილი

პოლიტიკა - 13:47, 28 Dec, 2019

1363

"ერთიანი ნაციონალური მოძრაიბის" ერთ-ერთი ლიდერი ზურაბ მელიქიშვილი ექიმ ვაჟა გაფრინდაშვილს გათავისუფლებას ულოცავს და საზოგადოებას მადლობას უხდის.

მელიქიშვილი აცხადებს, რომ საყოველთაო სოლიდარობა იყო განმსაზღვრელი გმირი ექიმის გათავისუფლებისთვის.

"ექიმი ვაჟა გაფრინდაშვილი თავისუფალია!
მინდა მთელს საზოგადოებას გადავუხადო მადლობა, საყოველთაო სოლიდარობა იყო განმსაზღვრელი გმირი ექიმის გათავისუფლების. მაგარი ოჯახი, უმაგრესი კოლეგები, ექიმების უდიდესი არმია - ვინც მიუხედავად ზეწოლისა მაინც დადგა გარეთ და დადგა ერთად! სამოქალაქო საზოგადოების უდიდესი აქტივობები, და ეს ყველაფერი ხელისუფლების წარმომადგენლების უტვინო და ოკუპანტის მაამებელი განცხადებების ფონზე ხდებოდა.

მე არ მაინტერესებს ვინ ,, დაიბრალებს" ან ვინ შეეცდება ,, ქულების" ჩაწერას, ვის სად დაახვედრებენ გაწამებულ გმირს... თუ უნდათ კუხიანიძე დაახვედრონ თბილისის შესასვლელთან ყვავილებით... მთავარია, რომ ხალხის ბრძოლამ აიძულა მოსკოვს უკან დაეხია და ჩვენი გმირი ცოცხალი დაგვიბრუნდა!

და ბოდიში არჩილ ტატუნაშვილს! უფრო მეტი უნდა გაგვეკეთებინა რომ ჩვენი გმირი წამებით არ მოეკლათ და ცოცხალი დაგვბრუნებოდა" - აცხადებს ზურაბ მელიქიშვილი.

ექიმი ვაჟა გაფრინდაშვილი თითქმის ორი თვის განმავლობაშისაოკუპაციო რეჟიმის უკანონო პატიმრობაში იმყოფებოდა. ექიმი 9 ნოემბერს დააკავეს. ოკუპანტები ვაჟა გაფრინდაშვილს ე.წ. საზღვრის კვეთაში ადანაშაულებდნენ, თუმცა გაფრინდაშვილი ამ ბრალდებას არ აღიარებდა. მას ცხინვალის საოკუპაციო რეჟიმმა 20 დეკემბერს ერთი წლითა და ცხრა თვით პატიმრობა შეუფარდა.