სამოქალაქო აქტივისტები "ტვ. პირველის" შენობასთან შეიკრიბნენ და ინკასოდადებულ არხს სოლიდარობა გამოუცხადეს. აქციის მოანწილეთა განცხზადებით, ბიძინა ივანიშვილი კრიტიკულ და დამოუკიდებელ მედიას ებრძვის.

ტელეკომპანიის ეზოში გამოვიდა არხის გენერალური დირექტორი, ჟურნალისტი ინგა გრიგოლია. მისი თქმნით, ჯერ „იმედმა" და „მაესტრომ" უნდა გადაიხადოს დავალიანება.

"ველოდებოდი, რომ ამ გადაწყვეტილებას მიიღებდა სახელმწიფო და ველოდები იმიტომ, რომ ეს იყო მოახლოებული არჩევნების წინ დაგეგმილი ახალი შტურმი და ახალი შეტევა მედიაზე. გადაიხადოს ჯერ ბევრი მილიონი ტელეკომპანია „იმედმა" და „მაესტრომ" და მერე გველაპარაკონ ჩვენ. გადასახადები ყველამ უნდა გადავიხადოთ, მაგრამ რომ დაეწყვნენ დღეს ხელისუფლების ლიდერები და განცხადებებს აკეთებდნენ, ხალხის ფული ბიუჯეტში ყველამ უნდა გადაიხადოს, მაგას ვამბობთ ზუსტად ჩვენც, რომ ამდენი მილიონი რატომ უნდა ეპატიოს ხელისუფლებისთვის კოჭის გამგორებელ მედიასაშუალებებს და რატომ არ უნდა გადაგვივადონ ჩვენ სულ რაღაც 15 იანვრამდე? ჩვენ ხომ არ ვეუბნებოდით სახელმწიფოს, რომ გვაჩუქეთ. ღმერთმა დაგვიფაროს, რომ სახელმწიფოს რაიმე ვთხოვოთ, უბრალოდ აქ იყო გადადებაზე ლაპარაკი“, - განაცხადა გრიგოლიამ.

ცნობისთვის, ტელეკომპანიების: „რუსთავი 2“, „ტვ პირველი“ და „კავკასია“ საბანკო ანგარიშებს ინსკასო დაედო.