"ევროპული საქართველოს" ერთ-ერთი ლიდერი დავით ბაქრაძე, სალომე ზურაბიშვილის გუშინდელ გაკეთებულ მორიგ სკანდალურ განცხადებებს აკრიტიკებს.

მისი თქმით, შესაძლოა, პრეზიდენტის იმპიჩმენტზე საუბარი დაიწყოს, რადგან საქართველოს მმთავარმა მტერმა აღნიშნული განცხადებები რუსეთმა სათავისოდ გამოიყენოს.

"ყოველთვის თავშეკავებულები ვიყავით იმპიჩმენტზე საუბრისას, რადგან ის მოითხოვს კონკრეტულ დანაშაულს და ჩვენ არ გვინდოდა მდარე პოპულისტური განცხადებების გაკეთება. მაგრამ ეს შემთხვევა არის განსაკუთრებული შემთხვევა და თუ არ მოხდება ამ განცხადების დეზავუირება, და თუ რუსეთი გამოიყენებს ამ განცხადებას მის სასარგებლოდ ოკუპირებული რეგიონების აღიარების საქმეში, მაშინ ამ განცხადების გამკეთებელი ადამიანი უნდა იქნეს თანამდებობრივად გასამართლებული. სხვა განცხადებებზე საერთოდ აღარც ვსაუბრობ. ის ინტერვიუში ამბობს, რომ ხან ნატო გვინდა, ხან ევროკავშირი - ეს არ არის ხან კი და ხან არა, რადგან ეს არის ჩვენი ერის არჩევანი და სტრატეგიული მიზანი. თუმცა სხვა ფრთიან ფრაზებზე არ ვამახვილებთ ყურადღებას, რადგან ერთხელ უკვე განაცხადა, ყველაფერში მაკრიტიკებენო. მაგრამ როცა ის აცხადებს, რომ გვაქვს პრობლემური საზღვარი ოკუპირებულ რეგიონებთან, ამ განცხადებას უნდა მოჰყვეს მთავრობის მხრიდან რეაგირება და მოხდეს განცხადების დეზავუირება" - აღნიშნა ბაქრაძე.