ივანიშვილი, გახარია, ჩუბინიძე, სირაძე, შალვა თადუმაძე და სხვები - ოპოზიციის „შავი სიის“ მთავარი ფიგურანტები

პოლიტიკა - 15:23, 25 Dec, 2019

1305

ოპოზიციის „შავი სიის“ მთავარი ფიგურანტები ცნობილია.

ფართო ოპოზიციური პარტიების მონაწილეობით გამართული კონსულტაციების შემდეგ, მედიისთვის ცნობილი გახდა "ქართული ოცნების" რამდენიმე ლიდერის ვინაობა, რომელიც სიაში მოხვდა და რომელთა მიმართაც ხელისუფლების ოპონენტები სანქციების ამოქმედებას ითხოვენ.

სიის თავშია ბიძინა ივანიშვილი, რომელიც ოპოზიციის თქმით, ყველა უიკანონო გადაწყვეტილების გამცემია, სხვა მაღალჩინოსნები კი მას უსიტყვოდ ემორჩილებიან.

ოპოიციამ დღესვე იმ მოსამართლეებისა და სამართალდამცავთა სია განსაზღვრა, რომელიც ივანიშვილის გადაწყვეტილებას ასრულებს და ოპოზიციის დევნითაა დაკავებული.

"შავი სიის" მეორე ნომერია პრემიერი გახარია, მესამე - სახელმწიფო დაცვის ხელმძღვანელი - ანზორ ჩუბინიძე, საპატრულო პოლიციის უფროსი ვაჟა სირაძე, შალვა თადუმაძე, მამუკა ვასაძე და მოსამართლკე ვალერიან ფილიშვილი.

ოპოზიცია ითხოვს, ჩამოთვლილ ადამიანებს პარტნიორ ქვეყნებში ვიზიტი შეეზღუდს. ამასთან ხელისუფლების ოპონენტების მოთხოვნაა სანქციები დაწესდეს ფინანსებთან დაკავშირებითაც. ოპოზიცია საბანკო ანგარიშების დაყადაღებას ითხოვს.

ამასთან როგორც ირკვევა უკანონო დავალებების შემსრულებლების და გადაწყვეტილებების მიმღებთა სიის ფორმირებათან ერთად ოპოზიცია მუშაობს რეჟიმის მსხვერპლთა სიის მომზადებაც.

ორიოვე დოკუმენტი საბოლოოდ საერთაშორისო პარტნიორებს გაეგზავნებათ. დოკუმენტი ოფიციალურ სახეს 2020 წლის 8 იანვარს გახდება.