ივანიშვილი სვეტიცხოველში: "სახელმწიფო და ეკლესია თავის ფუნქციებს ძალიან მომართულად ასრულებენ, რომ გადავლახოთ გამოწვევები"

პოლიტიკა - 14:55, 25 Dec, 2019

711

"ქართული ოცნების" თავმჯდომარე ბიძინა ივანიშვილი დღეს სვეტიცხოველში ილია მეორეს აღსაყდსრების 42-ე წლისთავისადმი მიძღვნილ წირვას დაესწრო და მისი დასრულების შემდეგ მრევლს მიმართა:

"გილოცავთ დღევანდელ დღეს, ვულოცავ ჩვენს საყვარელ პატრიარქს, მის უწმიდესობას აღსაყდრებიდან 42-ე წლისთავს.

მოგეხსენებათ, როგორი რთული იყო ეს 42 წელი, როგორი განსაცდელი ჰქონდა ჩვენს ქვეყანას რამდენიმე წლის წინ, თუ გნებავთ.

42 წლის განმავლობაში უამრავი გამოწვევა და განსაცდელი გამოიარა ჩვენმა ქვეყანამ, უდიდესია ჩვენი დედა ეკლესიის წვლილი და მისი უწმინდესობის, პატრიარქის წვლილი იმ დაბნეულობის დროს, როცა აბსოლუტურად საჭიროებდა ერი სწორებას, ძალიან ხშირად ყველაზე დიდი საყრდენი და სწორებაც სწორედ ეკლესია და მისი უწმიდესობა გახლდათ.

დღესაც მოგეხსენებათ, რომ რთულია ჩვენი ყოფითი თუ სულიერი ცხოვრება და ამ ყველაფერს სჭირდება ძალიან ორგანიზებული და გააზრებული მართვა, როგორც სახელმწიფო, ისე ეკლესია თავის ფუნქციებს ძალიან გააზრებულად და მომართულად ასრულებენ, რათა ჩვენ გადავლახოთ ყველა გამოწვევა და ჩვენი ქვეყანა გამარჯვებისკენ წავიყვანოთ, ბედნიერია ჩვენი ქვეყანა, რომ ასეთი სულიერი მამა ჰყავს, ჯანმრთელობა და დღეგრძელობა ვუსურვოთ ჩვენს საყვარელ პატრიარქს"- გაანაცხადა ივანიშვილმა.