სიგარეტი ძვირდება - იმპორტიორები ფასების მატებას კიდევ პროგნოზირებენ

პოლიტიკა - 18:50, 24 Dec, 2019

1552

თამბაქოს იმპორტიორები სიგარეტის ფასების ზრდას აანონსებენ და ამბობენ, რომ მომხმარებლებს 20 დან 40 თეთრამდე გაზრდილი თანხის გადახდა მოუწევთ.
ისინი აცხადებენ, რ რომ ფასების ზრდა ხელისუფლების ჩამოუყალიბებელ საგადასახადო პოლიტიკას უკავშირდება, რომელმაც რამდენჯერმე გაზარდა აქციზის მოცულობა.
"მთავარი მიზეზი არის აქციზის რადიკალური ზრდა, რასაც ადგილი ჰქონდა იანვრის თვეში. 52%-ით გაიზარდა აქციზი და ეს გამოწვეულია იმ დაუგეგმავი სააქციზო პოლიტიკიდან გამომდინარე და სწორედ ამიტომ ვამბობჰთ, რომ სააქციზო პოლიტიკა აუცილებელია"- აცხადებს იმპორტიორი.

ოპოზიციაში ამბობენ, რომ თამბაქოს გაძვირება ხელისუფლების ინტერესებშია, რადგან მათ მწეველების ხარჯზე ბიუჯეტის შევსება სურთ. ევროპულ საქართველოსა და ნაციონალურ მოძრაობაში აცხადებენ, რომ როცა ხელისუფლებას ბიუჯეტში დამატებითი თანხების მობილიზება სურთ, ისინი აუცილებლად მიმართავენ გადასახადების გაზრდის მეთოდს .
"ხელისუფლება ერთის მხრივ თითქოს ზრუნავს ადამიანების ჯანმრთელობაზე და მეორეს მხრივ აკეთებს თანხების მობილიოზებას, რომ ასეულობით მილიონი შევიდეს ბიუჯეტში და მეტი კომფორტი მოიწყონ" - აცხადებს "ნაციონალური მოძრაობის წევრი ზურაბ მელიქიშვილი.
"ევროპული საქართველოს" წევრი ზურაბ ჭიაბერაშვილი აცხადებს, რომ 2016 წლიდან მოყოლებული ბიუჯეტის ზრდა ხდება როგორც ვალების აღებით, ასევე აქციზის მომატებით.
"2016 წლიდან მოყოლებული ბიუჯეტის ზრდა ხდება არამარტო ვალების აღებით, არამედ აქციზის მომატებით. ყველა ჯერზე, როცა მთავრობას ბიუჯეტის შევსება უნდა ასე ხდება და არავის იცის რაში იხარჯება ეს ფული, ყველა შემთხვევაში მთავრობა მიმართავს გადასახადების ზრდას" - აცხადებს "ევროპული საქართველოს" წევრი ზურაბ ჭიაბერაშვილი.