თბილისში, საბურთალოზე მდებარე საცხოვრებელ კორპუსში დიდი ქართველი მწერლის გურამ დოჩანაშვილის ბინა გაქურდეს.

ინფორმაციის გადამოწმება ამ დროისთვის შსს–სთან ვერ ხერხდება, თუმცა, „ნიუპოსტის“ ინფორმაციით, სისხლის სამართლის საქმე ბინაში უკანონოდ შეღწევის გამო უკვე აღძრულია, მიმდინარეობს გამოძიება.

სავარაუდოდ, ქურდები ქართველი კლასიკოსის ბინაში ფულსა და ძვირფას ნივთებს ეძებდნენ. ინფორმაცია მწერლის საცხოვრებელი ბინის გაქურდვის შესახებ უკვე გავრცელდა სოციალურ ქსელ „ფეისბუქზეც“.

დამატებითი ინფორმაცია მიღებისთანავე გამოქვეყნდება.