გოცირიძე სახ. დეპარტამენტის გზავნილზე: "უმკაცრესი გაფრთხილება აშშ-სგან, კარგად ხედავენ, რომ სასამართლოსა და ძალოვანი სტრუქტურები ივანიშვილის მიერაა უზურპირებული"

პოლიტიკა - 11:01, 24 Dec, 2019

871

"მორიგი უმკაცრესი გაფრთხილება ამერიკის შეერთებული შტატების მთავრობის მიერ"- ასე აფასებს "ერთინი ნაციონალური მოძრაობის" ერთ-ერთი ლიდერი, რომან გოცირიძე აშშ-ის სახელმწიფო დეპარტამენტის უმწვავეს მოწოდებას, სადაც ჩვენი სტრატეგიული პარტნიორი "ქართული ოცნებას" დაჟინებით მოუწოდებს პროკურატურა იყოს თავისუფალი პოლიტიკური მიკერძოებისგან.

"აშშ-ის სახელმწიფო დეპარტამენტი მოუწოდენს საქართველოს ხელისუფლებას უზრუნველყოს დამოუკიდებელი, მუკერძიებელი სასამართლოსა და პროკურატურის არსებობა. ჩვენი უცხოელი პარტნიორები კარგად ხედავენ, რომ ფაქტობრივად ხდება სასამართლოსა და ძალოვანი სტრუქტურების უზურპირება ივანიშვილის მიერ"- განაცხადა გოცირიძემ.

მისი თქმით, ქვეყანაში არსებული მდგომარეობა საგანგაშოა და ამ საგანგაშო მდგომარეობის ასახვაა სახელმწიფო დეპარტამენტის განცხადებაში.

"რაც შეეხება პრეამბულას, რომ მიესალმებიან სასამართლო რეფორმას, ყველა მიესალმება ამ რეფორმას, თუმცა მისი შედეგი არის მორჩილი და მიკერძოებული სასამართლო სისტემის საბოლოოდ ჩამოყალიბება. ეს სისტემა თავიდან ბოლომდე წასაშლელია, მას არაფერი უშველის"- თქვა გოცირიძემ.

აშშ-ის სახელმწიფო დეპარტამენტი საქართველოს მთავრობას მოუწოდებს, რომ უზრუნველყოს პროკურატურის თავისუფლება პოლიტიკური მიკერძოებისგან. ინფორმაცია ამის შესახებ სახელმწიფო დეპარტამენტის პრესსპიკერის, მორგან ორტაგუსის განცხადებაშია აღნიშნული. სახელმწიფო დეპარტამენტი აღნიშნავს, რომ აშშ მხარს უჭერს დაცულ, კეთილდღეობით სავსე და დემოკრატიულ საქართველოს.

"დაჟინებით მოვუწოდებთ საქართველოს მთავრობას, გაამყაროს მისი ერთგულება დემოკრატიის, ინდივიდუალური თავისუფლების და კანონის უზენაესობის პრინციპებისადმი და უზრუნველყოს პროკურატურის თავისუფლება პოლიტიკური მიკერძოებისგან"- ნათქვამია განცხადებაში.