აჭარის ტელევიზიის დირექტორის მოადგილე პოლიციაში დაიბარეს - ნათია ზოიძე დირექტორის მხრიდან თვალთვალისა და უკანონო მიყურადების შესაძლო ფაქტებზე საუბრობს და გამოძიების დაწყებას ითხოვს

პოლიტიკა - 19:10, 23 Dec, 2019

986

ნათია ზოიძემ პროკურატურას რამდენიმე დღის წინ მიმართა, რათა დაწყებულიყო გამოძიება. იგი პოლიციის სამმართველოში დღეს დაიბარეს. ზოიძე აცხადებს, რომ სამართალდამცველებს მიაწოდა ინფორმაცია თუ რატომ მიაჩნია, რომ ირღვევა მისი შრომითი უფლებები.
"ძირითადად კითხვები იყო იმასთან დაკავშირებით, რომ წერილით, რომლითაც მივმართე "საიას" ფაქტობრივად ჩემი შრომითი უფლებები არის დარღვეული. არ მეძლევა იმის განხორციელების საშუალება რაც არის ხელშეკრულებით გამყარებული და სწორედ ამ მიმართულებით არის წასული. ყველა კითხვა უკავშირდებოდა შრომით უფლებებს" - ამბობს ნათია ზოიძე.

როგორც ზოიძის ადვოკატმა განაცხადა, უკვე დაწყებულია მოკვლევა შესაძლო შანტაჟის ფაქტზე. მისივე თქმით ჩვენებაში უკვე მითითებულია იმ პირთა სია, რომელიც შესაძლოა გამოკითხვაზე დაიბარონ. მათ შორის არის ჭარის ტელევიზიის ახალი დირექტორი გიორგი კოხრეიძე.
"გამოკითხვის ოქმში დავაფიქსირეთ ყველა ის პირი, რომელიც შესაძლო ინფორმაციას შეიძლება ფლობდეს აღნიშნულ საკითხზე, მათ შორის არის გიორგი კოხრეიძე. გამოკითხვის შემდეგ გვაქვს ინფორმაცია, რომ ცვლილებების შეტანა მოხდა ხელშეკრულებები, როცა ცვლილებებს გავეცნობით სამართლებრივ შეფასებას გავეცნობით" - აცხადებს ადვოკატი პაატა დიასამიძე.