პარტიამ „ახალი მემარჯვენეები” არსებობა შეწყვიტა. პარტიის თავმჯდომარის, მამუკა კაციტაძის განცხადებით, „ახალი მემარჯვენეები“ მამუკა ხაზარაძის პარტიას "ლელო საქართველოსთვის" უერთდებიან, თავად კაციტაძე კი პარტიის ერთ-ერთი დამფუძნებელი იქნება.

"ჩვენ პიროვნულად ვართ დღევანდელი დღის დამფუძნებლები, რაც შეეხება „ახალ მემარჯვენეებს“, მივიღეთ პოლიტიკური გადაწყვეტილება. ახლა საჭიროა, გარკვეული სამართლებრივი პროცედურები, რომლებიც დროსა და გარკვეულ პროცედურებს მოითხოვს. კანონის შესაბამისად მივიყვანთ ამ გადაწყვეტილებას შესაბამის წერტილამდე სამართლებრივი თვალსაზრისით. რაც შეეხება პოლიტიკურ ნაწილს, დღეს არ არის გათითოკაცების დრო, არ არის საკუთარი თავის, თუ პოლიტიკური ორგანიზაციის გადარჩენის დრო. დღეს არის ქვეყნის გადარაჩენაზე ზრუნვა საჭირო" - აცხადებს კაციტაძე.