თბილისის მერი კახა კალაძე, "ფეისბუქის" მიერ "ქართულ ოცნებასთან" აფელირებული გვერდების, ჯგუფებისა და ანგარიშების გაუქმებასთან დაკავშირებით ჟურნალისტების კითხვებს პასუხობს.

თბილისის მერი აცხადებს, რომ მან არ იცის რა ანგარიშებზეა საუბარი.

"არანაირი კავშირი და არანაირი დამოკიდებულება ამ "ექაუნთებთან" დაკავშირებით არ მაქვს და არც ვიცი, რა "ექაუნთებზეა" საუბარი. ეს არ არის ჩემთვის საინტერესო. ჩემთვის მნიშვნელოვანია მოსახლეობის და ჩვეულებრივი რიგითი ადამიანების მხარდაჭერა და თანადგომა" - ამბობს კალაძე.

რაც შეეხება "ფეიკნიუსების" გავრცელების საკითხს, კალაძემ აღნიშნა, "ფეიკნიუსების" იდეოლოგები "ნაციონალური მოძრაობა" და "მისი განშტოებები არიან".

"ზოგადად, "ფეიკნიუსის" მთავარი იდეოლოგები ვიცით ჩვენ რომელი პარტიაა და ამას ჰქვია "ნაციონალური მოძრაობა" და მისი განშტოებები. რა თქმა უნდა, თუ ამის დარეგულირება შესაძლებელია და მოხერხდება, მე ვფიქრობ, ევროპულ ქვეყნებში გარკვეული ცვლილებები იქნა განხორციელებული და შეგვიძლია გადმოვიტანოთ საუკეთესო მაგალითები, რომ ჩვენთანაც იყოს ეს მიდგომა და დამოკიდებულება "ფეიკნიუსები" გავრცელებასთან დაკავშირებით", - განაცხადა კალაძემ.