"ევროპული საქართველოს" ერთ-ერთი ლიდერი გიგა ბოკერიას "ქართული ოცნების" შეთავაზებას აფასებს.

მისი თქმით, თუკი მმართველ გუნდს საკონსტიტუციო ცვლილების რესურსი აქვს, მხოლოდ გერმანული მოდელი მივიღოთ.

"თუ საკონსტიტუციო ცვლილების რესურსი აქვთ, კლასიკური გერმანული მოდელი მივიღოთ. გაირკვა, რომ თურმე საკონსტიტუციო ცვლილებების რესურსი ჰქონიათ. საკონსტიტუციო ცვლილების რესურსი თუ აქვთ, კლასიკური გერმანული მოდელი მივიღოთ. ხომ თქვეს, რომ გერმანული მოდელი მოსწონთ, მაგრამ კონსტიტუციის პრობლემაა? იქ მაჟორიტარებიც შენარჩუნებულია. გრძელდება რღვევები ივანიშვილის გუნდის შიგნით. არა იმიტომ, რომ ეს წინადადება, რაც მოიტანეს, სერიოზულად განხილვადია, სერიოზულად განხილვადიც არ არის, თამაშის წესს არ ცვლის. 12-ით მეტი ადგილი სად იქნება, ეს თამაშის წესს არ ცვლის. აქ საკვანძო საკითხი პროპორციულობაა [...]მათ მიმართ ნდობა ნოლია, არაფერი დამაჯერებელი არ არის. ფაქტია, რომ ივანიშვილი და ხალხი, ვინც მას აქ მოვლენილი ჰყავს, ხვდება, როგორ მძიმე მდგომარეობაში არიან. ამიტომ, რაღაც მანევრებს აკეთებენ, რომელიც არ არის სერიოზული. ნელ-ნელა ხვდებიან, როგორ მძიმე მდგომარეობაში აღმოჩნდებიან, თუ რეალურ ნაბიჯს არ გადადგამენ. ეს არანაირი რეალური ნაბიჯი არ არის" - აღნიშნა ბოკერიამ.