სენატის მაღალჩინოსანის უმწვავესი შეფასება: "შეშფოთებული ვარ, რომ ქართული ოცნება ოპოზიციას ძალადობრივად ებრძვის"

პოლიტიკა - 12:08, 20 Dec, 2019

986

ამერიკის შეერთებული შტატების სენატის საგარეო ურთიერთობათა კომიტეტის თავმჯდომარე ჯიმ რიში აცხადებს, რომ საქართველოში პოლიტიკური დევნა შემაშფოთებელია - უმწვავესი განცხადება რიშმა "ამერიკის ხმასთან" ინტერვიუში გააკეთა.

“მე ღრმად შეშფოთებული ვარ იმით, რასაც საქართველოდან სულ უფრო ხშირად ვიგებ - მმართველი პარტია ოპოზიციის ებრძვის ძალადობრივი თავდასხმებით, დაკავებებით და შევიწროვების სხვა ფორმებით. საქართველო იდგა ნათელი დემოკრატიული მომავლისკენ გზაზე და მე ვშიშობ, რომ გასული თვეების მოვლენები ქვეყანას უკან ხევს", - ამბობს ის.

რიში მოუწოდებს საქართველოს მთავრობას შეასრულოს პროპორციულ საარჩევნო რეფორმაზე გადასვლის დაპირება.

"მე დაჟინებით მოვუწოდებ საქართველოს მთავრობას შეასრულოს მისი პირობა საარჩევნო კანონმდებლობის ცვლილებაზე და ითანამშრომლოს ოპოზიციასთან იმისთვის, რომ იპოვოს შექმნილი პოლიტიკური ვითარებიდან გონივრული, მშვიდობიანი და სამართლიანი გამოსავალი”, - აცხადებს რიში "ამერიკის ხმის" შეკითხვის პასუხად, საქართველოში მიმდინარე პოლიტიკური კრიზისის შესახებ.

სენატის საგარეო კომიტეტის თავმჯდომარესთან ერთად, საარჩევნო რეფორმის დაპირების შესრულებისკენ "ქართულ ოცნებას" კონგრესის საქართველოს მეგობართან ჯგუფის თანა-თავმჯდომარეებმა ადამ კინზინგერმა და ჯერალდ კონოლიმ მოუწოდეს.

ამერიკის შეერთებული შტატების სენატმა ცოტა ხნის წინ, საქართველოში ელჩობის კანდიდატ კელი დეგნანს მხარი დაუჭირა. დეგნანი თანამდებობას სავარაუდოდ მომავალ თვეში დაიკავებს.