ახალგაზრდულმა ორგანიზაციამ „გაბედე“ თავისუფლების მოედანზე აქცია-პერფორმანსი გამართა. ახალგაზრდებმა თბილისი მერიის წარწერას, რომელიც წმინდა გიორგის მონუმენტის ირგვლივაა განთავსებული, შავი ლენტი გადააფარეს და სისხლიანი ხელები აღბეჭდეს. ორგანიზაციის წევრი ნოდარ ინანეიშვილი ამბობს, რომ ისინი ხელისუფლებას მოუწოდებენ, 15 წლის ლუკას ტრაგიკული გარდაცვალების გამო გლოვის დღე გამოაცხადოს.

„ეს შავი ლენტი, რომელიც სიმბოლუირად სამგლოვიარო ლენტია, გამოხატავს იმას, რომ დღევანდელი ქალაქი, რომლსაც ისტორიებით სავსე ქალაქი დააწერეს, რეალურად არის სიკვდილით და სისხლით სავსე ქალაქი. კახა კალაძემ ვერც გაბედა, რომ სიცოცხლით სავსე ქალაქი დაეწერა და ამის ნაცვლად ისტორიები მოიფიქრა“ -აცხადებს ნოდარ ინანეიშვილი.