საკრებულოს უმრავლესობიდან გარიცხული ერეკლე კუხიანიძე საოკუპაციო ხაზთან მდებარე სოფელ საკორინთლოსთან ჩავიდა და ოკუპირებულ ტერიტორიაზე გადასვლა სცადა.

მისი თქმით, გარინდაშვილმა საოკუპაციო რეჟიმის კანონები დაარღვია თუმცა, მათთან საერთო ენა მაინც უნდა გამოინახოს.

„უნდა გადავსულიყავი იქ და ისეთ სიტყვებს ვიპოვიდი, რომ ვაჟა გაფრინდაშვილს გაათავისუფლებდნენ. ექიმმა მათი კანონები დაარღვია, თუმცა უნდა გამოვნახოთ საერთო ენა და გავათავისუფლოთ ეს ადამიანი" - აღნიშნა კუხიანიძემ.

შეგახსენებთ, საზოგადოების დიდი ნაწილის უკმაყოფილება გამოიწვია ერეკლე კუხიანიძის სტატუსმა ფეისბუქზე, სადაც მან საოკუპაციო რეჟიმის მიერ უკანონოდ დატყვევებული ექიმი ვაჟა გაფრინდაშვილი და მისი ოჯახი არაკორექტულად მოიხსენია და პროვოკატორები უწოდა.