ახალი, სკანდალური დეტალი ლუკა სირაძის საქმეში: ორმა მოზარდმა თვითმკვლელობა მას შემდეგ სცადა, რაც პოლიციამ ისინი დაკითხვაზე ერთმანეთთან დააპირისპირა

პოლიტიკა - 15:28, 18 Dec, 2019

1179

10 დეკემბერს, როცა მოზარდი ლუკა სირაძე დაკითხვაზე იმყოფებოდა დიდუბე-ჩუღურეთის განყოფილებაში, მის მიმართ სხვადასხვა სახის მუქარა განხორციელდა.

"მას აიძულებდნენ, ეღიარებინა, თითქოს და მან მოხატა მწვანე სკოლის კედლები და შიდა ტერიტორია" - აცხადებს გარდაცვლილის ოჯახის ადვოკატი, რევაზ აჭარაძე.

რევაზ აჭარაძის განცხადებით პოლიციის უფროსის მოადგილემ რამდენიმე წუთით ცალკე გაიყვანა მოზარდი, რის შემდგომაც არასრულწლოვანი ძალიან ანერვიულებული და ატირებული დაბრუნდა, მოითხოვა სასწრაფო სამედინიცო დახმარება, თუმცა ეს არ აღმოუჩინეს.

ადვოკატი ამბობს, რომ ეს იყო "ძველი სტილის დაკითხვა,". უფლებადამცველის ინფორმაციით დაკითხვისას დაპირიპისრებაც კი მოხდა სხვა მოწმესთან.

"ეს იყო ჩვეულებრივი, კლასიკური დაპირისპირება. არასრულწლოვნები ჰყავდათ დაბარებული განყოფილებაში და ერთმანეთს დააპირისპირეს, რამაც ორივე მხარეს დიდი სტრესი მიაყენა და უკიდურესად დათრგუნა" - აცახადებს ადვოკატი.

მისი თქმით, გარდაცვლილის დედის განმარტებით მთელი პროცესის განმავლობაში მოზარდი დანაშაულს არ აღიარებდა, თუმცა მას შემდეგ, რაც უფროსის მოადგილემ ცალკე გაიყვანა და რამდენიმე წუთში მოზარდი ატირეული დაბრუნდა, დედამისს უთხრა: "მიუხედავად იმისა, რომ არ ჩამიდენია, ჩემს ძმას რომ არ შეექმნას პრობლემები, ამის გამო ვაღიარებ."

"როგორც შსს-მ გაავრცელა ინფორმაცია, რომ მეორე დღეს დედის ინიციატივით მოხდა კომუნიკაცია და განყოფილებაში მისვლა, არასწორია. წინა დღეს თავადვე უთხრეს, რომ მეორე დღესაც, 11 დეკემბერს, 11 საათზე უნდა მისულიყო და გაგრძელდებოდა გამოკითხვა"-აზუსტებს რევაზ აჭარაძე. ეს დეტალი კი საქმეში არ არის: "არ ვიცი, რატომ არ მოხდა ამ ჩვენების დაბეჭდვა"- ამბობს ადვოკატი.