სკანდალი: რატომ შეინარჩუნა სისტემამ გამომძიებელი, რომლის მხრიდან მოწმეებზე ძალადობა ევროსასამართლომაც დაადასტურა

პოლიტიკა - 15:14, 18 Dec, 2019

1749

15 წლის მოზარდის თვითმკვლელობის საქმეზე დაკავებული გამომძიებელი მარიანა ჩოლოიანი არაერთ გახმაურებულ საქმეში ფიგურირებს. დაკავებული ჩოლოიანი ე.წ. ყინწვისის სპეცოპერაციისას დაკავებულ ნიკოლოზ გოგუაძის საქმეში ფიგურირებდა. გოგუაძე 2011 წელს დააკავეს. მამაკაცი მაშინ აცხადებდა, რომ სამართალდამცავებმა ის თავდაპირველად ქარელის შემდეგ თბილისის მთავარ სამმართველოში სცემეს. ადგილი ჰქონდა ასევე ფსიქოლოგიურ ძალადობას, რომ ჩოლოიანს აღაიარებითი ჩვენება მიეღო. ჩოლოიანი ბრალდებებს არც მაშინ აღიარებდა, მან სასამართლოში მიცემულ ჩვენებაში თქვა, რომ არანაირ ზეწოლას პოლიციელთა მხრიდან ადგილი არ ჰქონია.

ცნობილია, რომ ნიკოლოზ გოგუაძის საქმე სტრასბურგის ევროპულ სასამართლოში გაიგზავნა. სასმართლომ დაადასტურა, რომ გოგუაძის მიმართ აღნიშნული გამომძიებლის მიერ ადგილი ჰქონდა არასათანადო მობყრობას.

სტარსბურგმა საქართველოს ხელისუფლებას გამოძიების დაწყება დაავალა.

საია-ს იურისტი აცხადებს, რომ სისტემას ჩოლოიანს ხელს აფარებდა.

"ამას ადასტურებს მინსიტრის მოადგილის ბოლო გამოსვლა, რომელიც 15 წლის მოზარდის საქმეზე ხელს აფარებდა სისტემას და თავის თანამშრომელს"- აცხადებს იურისტი.

ცნობისთვის, 15 წლის ლუკა სირაძე გუშინ, იაშვილის სახელობის ბავშვთა კლინიკაში გონსმოუსვლელად გარდაიცვალა და სწორედ ამის შემდეგ დააკავეს საქმის ერთ-ერთი გამომძიებელი მარიანა ჩოლოიანი.

ხაზგასასმელია, რომ თავდაპირველად, შსს უარყოფდა ზეწოლის ფაქტს, მინსიტრის მოადგილე ნინო ცაციაშვილი აცხადებდა, რომ საზოგადოებაში მხოლოდ ცრუ ინფორმაციები ვრცელდებოდა და რომ მოზარდის მიმართ იძულებით ჩვენების მიცემას ადგილი არ ჰქონია. თუმცა გუშინ, მოზარდის გარდაცვალების შემდეგ დიდუბე-ჩუღურეთის პოლიციის განყოფილების გამომძიებელს ბრალად სს კოდექსის 335-ე მუხლი წაუყენეს, რაც ჩვენების მიჩემის იძულებას გულისხმობს.