"პროცესზე შსს-ს სამივე წარმომადგენელმა სხვადასხვა რაღაც თქვა" - სასამართლოში 12 დეკემბერს დაკავებულების მტკიცებულებების გამოკვლევა მიმდინარეობს

პოლიტიკა - 20:46, 17 Dec, 2019

591

მოსამართლე ვალერიანე ფილიშვილმა 12 დეკემბერს, პარლამენტთან დაკავებულების ადვოკატების შუამდგომლობა არ დააკმაყოფილა, მიემართა საკონსტიტუციო სასამართლოსთვის, რომელსაც უნდა ემსჯელა რამდენად კონსტიტუციურია ადმინისტრაციული კოდექსის 166-ე და 173-ე მუხლები. სწორედ ამ მუხლებით არიან დაკავებულები პოლიტიკოსები და სამოქალაქო აქტივისტები.
ამ წუთებში სასამართლოში მტკიცებულებების გამოკვლევა მიმდინარეობს. ასევე, მოწმის სახით უნდა დაიკითხოს "მოძრაობა "ლელოს" წევრი ანა ნაცვლიშვილი.
ამას გარდა ადვოკატებმა დააყენეს შუამდგომლობა, რომ შსს-მ წარადგინოს პოლიციელების სამხრე კამერების ჩანაწერი.
"პროცესზე გამოვიჭირეთ შსს-ს წარმომადგენლები, რომ სამივემ მთქვა სხვადასხვა რამ. სამხრე კამერების ჩანაწერები არ ვიცი არის თუ არა-ამბობს ერთი. მეორე წარმომადგენელი ამბობს, რომ არ არის სამხრე კამერების ჩანაწერი. მესამე ამბობს, რომ არი, მაგრამ მოკლე ჩანაწერიაო.ეს არის სამი წინააღმდეგობრივი ინფორმაცია, რომელიც სასამართლოს მიაწოდა შსს-მ. როცა მოდის შსს-ს უნდა მმოიტანოს ჩანაწერები. ამ პრაქტიკის დადგენას ვცდილობთ ახლა ჩვენ და ბატონ ვალერიანესაც მოუწოდეთ, რომ სასამართლო იყოს თავის ადგილზე" - აცხადებს გიორგი ვაშაძე.