"რაც უფრო უახლოვდება რუსეთს ივანიშვილი, მით უფრო დიდი რისკის ქვეშ იმყოფება მისი ქონებაც"- შეფასებები აშშ-ის კონგრესმნების წერილზე

პოლიტიკა - 12:48, 17 Dec, 2019

1003

"ნაციონალური მოძრაობის" ერთ-ერთი ლიდერი ამერიკელი კონგრესმენების უმწვავეს წერილს ეხმაურება და იმედს გამოთქვამს, რომ კონგრესმენების წერილს ივანიშვილი გაითვალისწინებს.

დეკანოიძის განცხადებით, ივანიშვილის ძალიან დიდი მოცულობის ფინანსური შესაძლებლობები დასავლეთში არის აკუმულირებული და რაც უფრო უახლოვდება რუსეთს ივანიშვილი, მით უფრო დიდი რისკის ქვეშ იმყოფება მისი ქონებაც.

"ეს არის ძალიან მწვავე განცხადება ჩვენი მეგობრებისგან, რომელიც მოჰყვა იმ პოლიტიკურ კრიზისს რომელიც დღეს საქართველოშია. როცა ჩვენ, ინტერპარტიული ჯგუფი ვიყავით ვაშინგტონში, სადაც ჩვენი გზავნილი იყო, რომ კრიზისი პროიპორციული, სამართლიანი არჩევნებით უნდა გადაწყდეს და სწორედ ეს გზავნილებია ასახული ამ წერილში.

დიდი იმედი არ მაქვს, რომ ბიძინა ივანიშვილი გაითვალისწინებს აქედან რამეს, მაგრამ მას მაინც უნდა შერჩეს კეთილგონიერება იმის, რომ ახსოვდეს, რომ მთელი მისი აქტივები, არის დასავლეთში. ძალიან დიდი მოცულობის ფინანსური შესაძლებლობები არის აკუმულირებული დასავლეთში. რაც უფრო უახლოვდება რუსეთს ივანიშვილი და მთელი ეს სახელმწიფო მიტაცება მეტი არაფერი არ არის თუ არა რუსეთთან დაახლოება, მით უფრო დიდი სარკის ქვეშ იმყოფება მისი ქონებაც. ასე რომ ფრთხილად უნდა იყოს“, - აცხადებს ხატია დეკანოიძე.

„ჩვენი ქვეყანა ამ კონგრესმენების მადლიერია. მათი დამსახურებაა ის, რომ საქართველომ მიიღო თავდაცვითი იარაღი, მათი დამსახურებაა ის, რომ დაიწყო საუბარი თავისუფალი ვაჭრობის შესახებ აშშ-სთან. ეს არის ხალხი, რომელიც იბრძვის საქართველოსთვის. მათი მხრიდან ასეთი მკვეთრი ენის გამოყენება არის დასტური იმისა, რომ "ქართული ოცნება" არის ძალიან სერიოზული წნეხის ქვეშ“, - განაცხადა კანდელაკმა.

შეგახსენებთ, რომ ამერიკელი კონგრესმენები საქართველოს მთავრობას პირობების შეუსრულებლობისა და ძალის გამოყენების გამო აკრიტიკებენ. ამერიკელი კონგრესმენები შეშფოთებას გამოთქვამენ ბოლო დროს განვითარებული მოვლენების შესახებ და შოკირებულნი არიან პროპორციული სისტემის შესახებ კანონპროექტის ჩავარდნით.