სკანდალის გაგრძელება: ერეკლე კუხიანიძე ვაჟა გაფრინდაშვილის ოჯახს "ოცნებაზე" თავდასხმაში ადანაშაულებს და თავს დამნაშავედ არ მიიჩნევს

პოლიტიკა - 14:15, 16 Dec, 2019

1621

"მოხდა ის რაც მოხდა"- აცხადებს "ქართული ოცნების" წევრი, დეპუტატი ერეკლე კუხიანიძე, რომელიც გატაცებული ქართველი ექიმის ოჯახის გინებას "ოცნებაზე მიტანილი იერიშით ხსნის".
თუმცა მისი შეუფერებელი განცხადების გამო ბოდიშის მოხდას აპირებს თუ არა ეს კითხვა კუხიანიძემ ღიად დატოვა.

კუხიანიძე აცხადებს, რომ მისთვის ვაჟა გაფრინდაშვილის ოჯახის პოზიცია მიუღებელია და ამბობს, რომ "ისინი შეტევაზე გადავიდნენ, რაც ისედაც დასუსტებულ ოცებას კიდევ უფრო ასუსტებს".
"მთავრობა ყველაფერს აკეთებდა იმისთვის, რომ ეს ადამიანი გამოეხსნა, მაგრამ ოჯახი გადავიდა ძალიან მძიმე შეტევაზე. შეიძლება ეს ვიღაცისთვის არაფერს ნიშნავს, მაგრამ მე როგორც ამ სიტუაციებში ჩახედული პირი ძალიან კარგად ვხედავ რას ნიშნავს ეს დარტყმა "ქართულ ოცნებაზე", რომელიც დასუსტებულია, რომელიც განიცდის სრულიად ამაზრზენ შეტევებს"- აცხადებს "ქართული ოცნების" წევრი.
მისი თქმით, მან სტატსი, სადაც ვაჟა გაფრინდაშვილის ოჯახს "იდიოტები" უწოდა შეცვალა.
"დილით ვნახე, რომ ჩემს წინააღმდეგ წამოსული იყო სიბილწე. ჩემი ნათქვამი იმასთან შედარებით იყო ბავშვის ღუღუნი. ჩემს მიმართ პათოლოგიური ზიზღის ნიაღვარი, გინება წამოვიოდა" - თქვა დეპუტატმა.
როგორც ჩანს, კუხიანიძე ბოდიშის მოხდას არ აპირებს. მან კითხვა - დატოვებს თუ არა საკრებულოს უპასუხად დატოვა.
"არაფერს გეტყვით" - თქვა მან.