ასეულობით ქართველი დემონსტრანტი შეიკრიბა სამხრეთი ოსეთის საოკუპაციო ხაზთან, რომელთაც მოითხოვეს ექიმ ვაჟა გაფრინდაშვილის გათავისუფლება ცხინვალის დე ფაქტო რეჟიმის მიერ. აღნიშნულ ფაქტს BBC გამოეხმაურა.

აქციის მონაწილეებმა ცოცხალი ჯაჭვი გააკეთეს და ბუშტებით დიდი თეთრი ხალათი გაუშვეს რუსეთის მიერ ოკუპირებულ მხარეს უკანონოდ დაპატიმრებული ექიმისთვის სოლიდარობის გამოსახატად.

„იმედია ეს თეთრი ხალათი გადალახავს მავთულხლართს, რომლითაც ჩვენ ვანახებთ ოკუპანტებს, რომ ექიმებს საზღვრები არ გააჩნიათ არც მშვიდობიან და არც საომარ მდგომარეობაში. ჩვენი ერთადერთი მოთხოვნა არის ექიმ ვაჟა გაფრინდაშვილის გათავისუფლება და მისი სახლში დაბრუნება“ ,- განაცხადა ქართველი ექიმის ცოლმა.