თავისუფლების მოედანზე, „ქართული ოცნების" აქციაზე შეკრებილებს პარტიის ერთ-ერთმა ლიდერმა, კახა კალაძემ მიმართა.

კახა კალაძემ ევროპასა და საქართველოს ევროპულ გზაზე ისაუბრა.

თბილისის მერმა საოკუპაციო რეჟიმის მიერ გატაცებულ ექიმზე ისაუბრა და განაცხადა, რომ ევროპა ის სივრცეა, სადაც აფასებენ ადამიანს, როგორც ყველაზე ღირებულს, არ არღვევენ მის უფლებებს და არ იტაცებენ ექიმებს.

"ხშირად ისმის კითხვები, რატომ ევროპა, რატომ ვისწრაფვით ევროპულ სივრცეში, არის კი საქართველო ევროპის ორგანული ნაწილი?

და საერთოდ, რა არის ჩვენთვის ევროპა?!

პირადად ჩემთვის, ევროპა ის სივრცეა, სადაც აფასებენ ადამიანს, როგორც ყველაზე ღირებულს, არ არღვევენ მის უფლებებს და არ იტაცებენ ექიმებს - თავისუფლება ვაჟა გაფრინდაშვილს და ჩვენი მხარდაჭერა მას და მის ოჯახს.

ევროპა - თავისუფლებაზე, ჰუმანიზმზე და ურთიერთპატივისცემაზე დაფუძნებული თანაცხოვრების წესია.

ეს კი ის თვისებებია, რაც საქართველოს მოსახლეობას, ქართველ ხალხს ისტორიულად ახასიათებდა.

ეს არის ის, რამაც აქამდე მოგვიყვანა მსოფლიოში ერთერთი უძველესი ერი და რაც კიდევ ბევრ ათასწლეულს გაადაატანინებს ჩვენს ქვეყანას.

დღეს ჩვენი ცივილიზაციის ორი უმთავრესი საყრდენის - თავისუფლების და ტოლერანტობის ცენტრია ევროპა, ჩვენ ამ ღირებულებითი ერთობის გამო ვართ ისტორიულად ევროპის ნაწილი და ამ დიდი ოჯახის წევრი" - აღნიშნა კახა კალაძე.