"ოცნების" დეპუტატის შეურაცხყოფა ვაჟა გაფრინდაშვილის ოჯახს: "მთელი ოჯახი იდიოტები ხართ, ან პროვოკატორები"

პოლიტიკა - 10:21, 14 Dec, 2019

1725

თბილისის საკრებულოს დეპუტატი „ქართული ოცნებიდან“ ერეკლე კუხიანიძე ცხინვალში დაკავებული ექიმის, ვაჟა გაფრინდაშვილის ოჯახს შეურაცხმყოფელი პოსტით მიმართავს და გუშინდელ განცხადების გამო მათ პროვოკატორებს უწოდებს.

"ძალიან სერიოზული მყრალი პროვოკაციის ოხშივარი ასდის ამ ამბავს! პირდაპირ გეუბნებით - როდესაც იცი იქ ოკუპანტია და დაგიჭერს და მაინც სპეციალურად მიდიხარ... ისიც იცი, რომ შენი ქვეყანა მოკლებულია იმას, რომ ქმედითი წინააღმდეგობა გაუწიოს ოკუპანტს და ამის შემდეგ შენი ოჯახი სახელმწიფოს უპირისპირდება - ან მთელი ოჯახი იდიოტები ხართ, ან პროვოკატორები თქვენი დედაც! " - წერს დეპუტატი.

ცნობისთვის, გუშინ ვაჟა გაფრინდაშვილი ცხინვალის სასამართლომ პატიმრობაში დატოვა, მისმა ოჯახმა კი, „ქართული ოცნების“ მიერ დაგეგმილ აქციაზე ასეთი განცხადება გააკეთა:

„მინდა მივულოცო საქართველოს ხვალინდელი დღე, რომ ალფაბეტის მიხედვით გავხდით ევროსაბჭოს თავმჯდომარე ქვეყანა, ძალიან საზეიმოა, მაგრამ საინტერესოა, ვის ეზეიმება და ვის არა" - -თქვა გაფრინდაშვილის მეუღლემ, თამილა ლაფანაშვილმა და რესპუბლიკის მოედანზე აქცია დააანონსა.