„მდინარაძემ არაადეკვატური ბრიფინგით დაადასტურა, რომ „ოცნების“ ერთერთი მიზანია მოირგოს კონსტიტუცია, ივანიშვილს უკვე აღარ სურს დემოკრატიის ნიღაბს ამოფარებს“

„მდინარაძემ არაადეკვატური ბრიფინგით დაადასტურა, რომ „ოცნების“ ერთერთი მიზანია მოირგოს კონსტიტუცია, ივანიშვილს უკვე აღარ სურს დემოკრატიის ნიღაბს ამოფარებს“ - მიხეილ ბენიძე

პოლიტიკა - 13:30, 13 Dec, 2019

830

უმრავლესობის ლიდერის მამუკა მდინარაძის დღეს გაკეთებულ განცხადებას ეხმაურება "სამართლიანი არჩევნებისა და დემოკრატიის საერთაშორისო საზოგადოების" (ISFED) აღმასრულებელი დირექტორი. მიხეილ ბენიძე ამბობს, რომ ივანიშვილი დემოკრატიის ნიღაბსაც აღარ იფარებს და ის ღიად დაადგა ავტორიტარიზმის გზას. მმართველი პარტიის გადაწყვეტილებას საარჩევნო სისტემასთან დაკავშირებით, მიიღონ საკონსტიტუციო ცვლილება, რომ 2024 წლამდე რიგგარეშე არჩევნები შერეული სისტემით ჩატარდეს, ბენიძე განუხორციელებლად მიიჩნევს და ამბობს, რომ ასეთი რიტორიკა ქვეყნის მომავალზე ცუდად აისახება.

„მამუკა მდინარაძემ თავისი არაადეკვატური ბრიფინგით დღეს საბოლოოდ დაადასტურა, რომ მმართველი პარტიის ერთადერთი მიზანი და საზრუნავი არის მოირგოს კონსტიტუცია და საარჩევნო კანონმდებლობა ისე, რომ მხოლოდ მას ჰქონდეს გარანტირებული მოგება. ის, რომ ამის ხმამაღლა გაჟღერებას არ ერიდებიან, ცალსახა ნიშანია იმისა, რომ ივანიშვილი არა მხოლოდ დაადგა ავტორიტარიზმის გზას, არამედ უკვე აღარც კი აინტერესებს სახის შენარჩუნება და დემოკრატიულ ნიღაბს ამოფარება. ნუ, ცხადია მათ სურვილებს განხორციელება არ უწერია, მაგრამ ეს რიტორიკაც კი დიაგნოზია და სამწუხაროდ ამ ქვეყნის მომავალზე აისახება ცუდად..“ - აცხადებს მიხეილ ბენიძე.ა