"მაჟორიტარებისათვის შუშის სასახლეში სადილი გაუმართავთ და საჭმელში ვირის ტვინისგან დამზადებული ჯადო შურევიათ, ფაქტს ადასტურებს დეპუტატი, ვინმე დაჩი ბერაია..."

"მაჟორიტარებისათვის შუშის სასახლეში სადილი გაუმართავთ და საჭმელში ვირის ტვინისგან დამზადებული ჯადო შურევიათ, ფაქტს ადასტურებს დეპუტატი, ვინმე დაჩი ბერაია..." - რომან გოცირიძე

პოლიტიკა - 22:59, 12 Dec, 2019

1097

"ნაციონალური მოძრაობის" წევრი, რომან გოცირიძე სოციალურ ქსელში პოსტს აქვეყნებს და წერს, რომ მაჟორიტართა არაადეკვატური ქცევა პროპორციულ საარჩევნო სისტემაზე გადასვლასთან დაკავშირებულ კენჭისყრისას, ივანიშვილის მხრიდან სპეციფიკური ზემოქმედებით ყოფილა განპირობებული.
გოცირიძე ხუმრობს, რომ მაჟორიტარებისათვის შუშის სასახლეში სადილი გაუმართავთ და დროსაც სჭმელში ვირის ტვინისგან დამზადებული ჯადო შეურევიათ.

"მაჟორიტართა არაადეკვატური ქცევა პროპორციულ საარჩევნო სისტემაზე გადასვლასთან დაკავშირებულ კენჭისყრისას, თურმე ივანიშვილის მხრიდან სპეციფიკური ზემოქმედებით ყოფილა განპირობებული. წინა დღით, მაჟორიტარებისათვის შუშის სასახლეში სადილი გაუმართავთ, რა დროსაც სჭმელში ვირის ტვინისგან დამზადებული ჯადო შეურევიათ.
ჯადოს გამოყენების ფაქტს ადასტურებს მაჟორიტარი დეპუტატი, ვინმე დაჩი ბერაია , რომელიც ამბობს, რომ მსგავსი რამ ერთხელ უკვე შეემთხვა ”ქართუში” მუშაობის დროს და კარგად აქვს გამოცდილი ვირის ტვინის ჯადოს ზემოქმედების უცნაური ეფექტები.
დღეს, პარლამენტში თავს რომ დამესხა, როგორც ჩანს ვიღაცამ ვირის ტვინი აჭამა შეუმჩნევლად.
როგორც ამ საქმის მცოდნეები ამბობენ, ამ სახის ჯადო-საკვების გამოყენება ადამიანის ტვინის ვირისტვინად ტრანსფორმაციას იწვევს, რომლის ნიშნებიც ნათლად აღინიშნება დაჩიდ წოდებულ დეპუტატ ბერაიას ქცევებში" - წერს გოცირიძე.
შეგახსენებთ, "ქართული ოცნების" ე.წ. ამბოხებულმა მაჟორიტარმა დაჩი ბერაიამ ნაციონალური მოძრაობის ლიდერს, რომან გოცირიძეს წიხლი ჩაარტყა.