„ერთიანი საქართველო-დემოკრატიული მოძრაობის“ ერთ-ერთი ლიდერი ანზორ ბიწაძე პარლამენტში მომხდარ ინციდენტს აფასებს.

მისი თქმით, სუნი, რომელიც საკანონმდებლო ორგანოში იყო "სიმბოლურია".

"ეგ სუნი მეგობრებო, ძალიან სიმბოლურია! ისე გაგხრწნათ ხელისუფლებამ, რომ არავინ და არაფერი თქვენ აღარ გახსოვთ! სამართლიანობის აღდგენის დროშის ქვეშ მოსულმა ხელისუფლებამ, თავზე მურუსიძის სასამართლო მოგვახვიეთ, 90 - იანი წლების სურათი დადგით შუა ქალაქში და რკინის ჯებირებით გამოეყავით თქვენსავე ხალხს. ახლა, კეთილი ინებეთ, ცხვირზე ხელი მოიჭირეთ და შეასრულეთ საზოგადოების დაკვეთა!" - განაცხადა ბიწაძემ.