"ნიკა მელიასთვის დეპუტატის უფლებამოსილების შეწყვეტა ვერ აკმაყოფილებს მინიმალურ პოლიტიკურ სტანდარტს, იგი ვერ უძლებს კრიტიკას იმ მარტივი სამართლებრივი მოცემულობიდან გამომდინარე, რომ პირველი ინსტანციის სასამართლოს მიერ მიღებული გამამტყუნებელი განაჩენი ექვემდებარება სააპელაციო და საკასაციო წესით გასაჩივრებას"- ასე აფასებს პოლიტიკური პარტია ,,კანონი და სამართლის’’ გენერალური მდივნის ირაკლი ღლონტი "ქართული ოცნების" მიერ მელიასთვის უფლება-მოსილების ფორსმაჟორულ გარემოში შეზღუდვის სურვილს.

"მაშინ, როცა საქმე გვაქვს კლანურად მართული პოლიტიზირებული სასამართლოს განაჩენთან, მიმაჩნია, რომ ეს უფრო მეტად ამძიმებს უმრავლესობის პოლიტიკურ პასუხისმგებლობას და აშკარას ხდის მათ ამორალურ და პოლიტიკურად მოტივირებულ გადაწყვეტილებას ოპოზიციონერი კოლეგის სტატუსის წინააღმდეგ.

მინდა შევახსენო ე.წ. მმართველ ძალას და უზურპატორ ოლიგარქს, რომ ოპონენტების დევნა არცერთ დემოკრატიულ ქვეყანაში არ რჩება მაღალი რეზონანსის მიღმა და ვფიქრობ, მათთვის აქამდე ცნობილი უნდა გამხდარიყო, რომ საქართველო არ აპირებს უარი თქვას დემოკრატიაზე და თავისუფლებაზე, როგორც ქართველი ერის განუხრელ და მტკიცე ნებაზე.