თბილისში, მარჯანიშვილის ქუჩაზე ორი ადამიანი დაჭრეს. "ნიუპოსტი" ინფორმაციით, უცნობი პირები მამა-შვილს თავს დაესხნენ და ცეცხლსასროლი იარაღიდან გასროლით დაჭრეს.

მომხდარის სხვა დეტალები ამ დროისთვის უცნობია, ისევე როგორც დაჭრილთა მდგომარეობა. ადგილზე პოლიცია და სასწრაფო დახმარების ბრიგადები არიან მობილიზებულები.

რაც შეეხება თავდამსხმელებს, არსებული ინფორმაციით ისინი მიიმალნან.

როგორც "ნიუპოსტს" შს სამინისტროში განუცხადეს, გამოძიება ორი მუხლით, სსკ-ის ​117-ე მუხლის მეშვიდე ნაწილითა (ჯანმრთელობის განზრახ მძიმე დაზიანება) და 236-ე მუხლით (ცეცხლსასროლი იარაღის მართლსაწინააღმდეგო შეძენა-შენახვა-ტარება) არის დაწყებული. შსს-ს პრესსამსახურის ცნობით, მიმდინარეობს საგამოძიებო მოქმედებები.