TIME-მა გრეტა ტუნბერგი 2019 წლის ადამიანად დაასახელა

პოლიტიკა - 18:42, 11 Dec, 2019

1007

ჟურნალ TIME-ის ვერსიით 2019 წლის ადამიანად შვედი ეკოაქტივისტი, 16 წლის გრეტა ტუნბერგი დასახელდა.
გრეტა თუნბერგი მსოფლიომ ერთი წლის წინ გაიცნო, როდესაც იგი შვედეთის პარლამენტის შენობასთან მივიდა და აქცია გამართა მოთხოვნით – პოლიტიკოსებმა მიიღონ ზომები კლიმატის ცვლილებების შესაჩერებლად და შვედეთის მთავრობამ კარბონის ემისია პარიზის შეთანხმებით გათვალისწინებულ ნორმებამდე დაიყვანოს. გრეტა ამ მოთხოვნით ორი კვირის განმავლობაში იჯდა პარლამენტთან.

მიმდინარე წლის სექტემბერში გრეტა გაეროს წინაშე გამოვიდა სიტყვით, გააკრიტიკა მსოფლიო ლიდერები და მათ მოქმედებისკენ მოუწოდა.

წელს 16 წლის გრეტა თუნბერგი მშვიდობის დარგში ნობელის პრემიაზე წარადგინეს.

გრეტას ასპერგერის სინდრომი აქვს, რომელიც აუტიზმის სპექტრის აშლილობებს მიეკუთვნება.

2019 წლის ივნისში გამოვიდა გრეტა თუნბერგის წიგნი – „არავინაა ისე პატარა, რომ რამე ვერ შეცვალოს“, რომელიც მისი საჯარო გამოსვლების ტექსტებისგან შედგება.

გრეტა თუნბერგს მილიონზე მეტი გამომწერი ჰყავს ტვიტერზე, ფეისბუქზე და 2,5 მილიონზე მეტი – ინსტაგრამზე.

ტუნბერგმა ამ წოდებისთვის ბრძოლაში აშშ-ის პრეზიდენტი დონალდ ტრამპი და წარმომადგენელთა პალატის სპიკერი ნენსი პელოსი დაამარცხა.