"ჩვენ გვყავს ჯარი და გმირი ჯარისკაცები, გმირი ოფიცრები, გენერლები... რაც არ გვყავს, ეს არის პატრიოტი ხელისუფლება"

"ჩვენ გვყავს ჯარი და გმირი ჯარისკაცები, გმირი ოფიცრები, გენერლები... რაც არ გვყავს, ეს არის პატრიოტი ხელისუფლება" - შაშკინი პრეზიდენტის განცხადებაზე

პოლიტიკა - 14:02, 11 Dec, 2019

1321

თავდაცვის ყოფილი მინისტრი, დიმიტრი შაშკინის საქართველოს პრეზიდენტსა და მთლიანად "ქართულ ოცნებას" ქართული ჯარის დანგრევის მცდელობაში ადანაშაულებს.

შაშკინი "ნიუპოსტთან" ქვეყნის უმაღლესი მთავარსარდლის, სალომე ზურაბიშვილის ანტისახელმწიფოებრივ განცხადებას გამოეხმაურა.
შაშკინი აღნიშნავს, რომ საქართველოს გმირი ოფიცრები, ჯარისკაცები, კაპრალები და გენერლრბი ჰყავს.
მისივე შეფასებით, რაც ჩვენს ქვეყანას აკლია, ეს პატრიოტი ხელისუფლებაა.
"საქართველოს ჰყავს ჯარი, რომელსაც "ქართული ოცნება" 8 წლის განმავლობაში დიდი მონდომებით ანგრევს, თუმცა ვერ დაანგრია და ვერც დაანგრევს. საქართველოს ჰყავს გმირი ოფიცრები, ჯარისკაცები, კაპრალები და გენერლრბი. გმირი ჯარისკაცები, რომლებმაც გააჩერეს რუსული ჯარი თბილისთან. ჩვენს ჯარს არ წაუგია, ყველა პირისპირ ბრძოლაში გაიმარჯვა რუსულ საოკუპაციო ძალებთან 2008 წლის ომის დროს.
კიდევ ერთხელ, ხაზგასმით ვადასტურებ, რომ ჩვენ გვყავს ჯარი და გმირი ჯარისკაცები. რაც არ გვყავს ეს არის ქართული, პატრიოტული მთავრობა და პატრიოტი პრეზიდენტი. ჩვენ გვყავს გმირი ჯარი, რომელმაც არ დაუჭირა მხარი სალომე ზურაბიშვილს, თუმცა ის მაინც დაგვისვეს როგორც პრეზიდენტი და უმაღლესი მთავარსარდალი. მოსათმენი ძალიან ცოტა დარჩა, ძალიან მალე ჩვენ გვეყოლრბა ნორმალური მთავრობა და ნორმალური პრეზიდენტი"- აცხადებს შაშკინი.

სალომე ზურაბიშვილმა, რომელიც საქართველოს კონსტიტუციის თანახმად, პრეზიდენტთან ერთად ქვეყნის მთავარსარდალია, სკანდალური განცხადება გუშინ გააკეთა.
„ჩვენ არც ჯარი გვაქვს, არც იარაღი და არც გვექნება, არც ის დიდი ეკონომიკური პოტენციალი გვაქვს, რომ რეგიონი დავიპყროთ“ - თქვა მან.