პატიმარი გიორგი რურუა: ყველაფერი ლოგიკურად და კარგად მიდის, მთავარია უიმედობამ არ გვაჯობოს!

პოლიტიკა - 15:20, 10 Dec, 2019

2128

პატიმარი გიორგი რურუა, რომელსაც იარაღის უკანონოდ ტარებასა და შენახვას ედავებიან, პირველად დაპატიმრების შემდეგ, "ფეისბუქზე" პოსტს აქვეყნებს და ხელისუფლებას მიმართავს, ყველაფერი იღონოს ტყვეობიდან ვაჟა გაფრინდაშვილის გამოსახსნელად.

ამასთან, გიორგი რურუა კიდევ ერთხელ უცხადებს მხარდაჭერას ახალგაზრდებს და წერს, რომ ბოლომდე მათთან იდგება.
"ჩემო მეგობრებო, თანამებრძოლებო თანამოქალაქეებო!მოგესალმებით გლდანის ციხიდან პოლიტპატიმარი გ.რურუა.ეს პოსტი არ მინდა შეეხოს ჩემს უკანონოდ დაკავებას. გავრილოვის პატიმრების და ჩვენი ტვირთი არის ჩვეულებრივი ვალის მოხდა ქვეყნის წინაშე, რასაც თითოეული თქვენგანიც გააკეთებდა. მივმართავ უუნარო მთავრობას, უფრო ყურადღებით მოეკიდოს ვაჟა გაფრინდაშვილის გათავისუფლების საკითხს. ყველაფერი იღონოს, რომ დაიხსნას ტყვეობიდან სამაგალითო მოქალაქე!
ვერასდროს წარმოვიდგენდი, რომ პოლიტიკური პატიმარი გავხდებოდი. ერთადერთი, რაც მაწუხებს და მინდა იცოდეთ, არის ის, რომ იარაღი რასაც მედავებიან, თვალითაც არ მინახავს, მხოლოდ ფოტოზე ვნახე წარდგენილ განჩინებაში.გამძაფრებული ყურადღებით ვაკვირდები მოვლენებს,ყველაფერი ლოგიკურად და კარგად მიდის, მთავარია უიმედობამ არ გვაჯობოს!დღევანდელი კრიზისი არის მთლიანად, ხელისუფლებაში დარჩენის მოტივით განპირობებული.
განსაკუთრებული მადლობა ახალგაზრდებს!ჩვენ ყოველთვის ვიხელმძღვანელებთ თანგაწირული მოქალაქეების ანწუხელიძის, ტატუნაშვილის, გაფრინდაშვილისი და სხვების მაგალითებით!
პოლიტპატიმარი გ.რურუა"