„კულტურული ცენტრების გახსნა, რუსული პოლიტიკის ცნობილი მეთოდია, მთავარია, საქართველო როგორ დაიცავს თავის ინტერესებს“

„კულტურული ცენტრების გახსნა, რუსული პოლიტიკის ცნობილი მეთოდია, მთავარია, საქართველო როგორ დაიცავს თავის ინტერესებს“ - გუბაზ სანიკიძე

პოლიტიკა - 14:25, 09 Dec, 2019

703

მოქალაქეთა, პოლიტიკოსთა, არტისტთა და ექსპერტთა, ასევე ქართული მართლმადიდებლური ეკლესიის სინოდის წევრთა საინიციატივო ჯგუფის ინიციატივით "თბილისი რუმსში" კონფერენცია „რუსეთის კულტურის ცენტრი - ახალი საოკუპაციო ბაზა თბილისში“ გაიმართა.

პოლიტიკური მოძრაობა „გამარჯვებული საქართველოს“ წარმომადგენელი გუბაზ სანიკიძე მიიჩნევს, რომ კულტურის ცენტრების გახსნა, რუსეთისთვის აპრობირებული მეთოდია, ამიტომ ამაში ახალი არაფერია, მთავარია საქართველოს როგორ დაიცავს საკუთარ ინტერესს.

„რუსეთის დღევანდელი საგარეო პოლიტიკის, ერთ-ერთი მთავარი შემადგენელი ნაწილია კულტურული ცენტრების გახსნა. ეს ცნობილი მეთოდია და საბჭოთა კავშირის დროსაც ასე იყო. ამაში ახალი არაფერია, მთავარია ჩვენ ქვეყანას აქვს თუ არა თავისი ინტერესი და როგორ დაიცავს მას. დღევანდელი ჩვენი სახლმწიფო, სამწუხაროდ, იმუნიტეტისგან დაცლილი ქვეყანაა, ამიტომ საზოგადოებამ უნდა გაუწიოს ძალიან მშვილი და ფხიზელი წინააღმდეგობა“, - განაცხადა სანიკიძემ.

შეგახსენებთ, რომ რუსმა დიპლომატმა გრიგორი კარასინმა თბილისში რუსული ენისა და კულტურის ცენტრის გახსნა დააანონსა. კარასინმა ეს განცხადება პრაღაში რუსეთთან ურთიერთობის საკითხებში საქართველოს პრემიერ-მინისტრის სპეციალურ წარმომადგენელ ზურა აბაშიძესთან გამართული შეხვედრის შემდეგ გააკეთა. როგორც თავად აბაშიძე განმარტავს, ის ცენტრის შესაძლო გახსნის შესახებ იფნორმაციას არ ფლობს.