როგორ აიძულებს "ქართული ოცნება" საჯარო მოხელეებს მმართველი გუნდის აქციაში მონაწილეობას: "ნარეკლიშვილმა დაგვიბარა, ვინც არ წამოვა, სამსახურიდან გავათავისულფებთო"

პოლიტიკა - 13:22, 09 Dec, 2019

1162

მორიგი მტკიცებულება, რომ "ქართულ ოცნებას" მის მიერვე 14 დეკემბერს დაგეგმილ აქციაში მონაწილეობის მისაღებად რეგიონებიდან საჯარო მოხელეები იძულებით ჩამოჰყავს - თელავის მუნიციპალიტეტის მერს, შოთა ნარეკლიშვილს, საჯარო მოხელეებზე ზეწოლაში ადანაშაულებენ. "ერთიანი ნაციონალური მოძერაობის" ერთ-ერთი ლიდერი გიორგი ბოტკოველი სოციალურ ქსელში ფოტოსქრინს აქვეყნებს, სადაც სიპ-ში დასაქმებული მოქალაქე მერის მხრიდან განხორციელებულ ზეწოლაზე საუბრობს:

"ნარეკლიშვილმა დაგვიბარა 14-ში თბილისში წასვლასთან დაკავშირებით. ბაღების, სკოლების, სამუსიკო სკოლის თანამშრომლები. ვინც არ წამოვა ორშაბათს, სამსახურიდან გავათავისულფებთო.

სიები წინასწარ უნდა გადაეცეთ და თუ ერთი კაციც დააკლდება სამსახურიდან გავათავისუფლებთო. ეს უბრალო შეხვედრა არ არისო. აქ წამოსვლა სავალდებულოაო. გაგვაფრთხილეს არავის უნდა დაველაპარაკოთ, განსაკუთრებით ჟურნალისტებს"- წერია წერილში, რომელსაც ენმ-ს წევრი ავრცელებს.

ბოტკოველი თელავის მერს მიმართავს: "აი ასეთი მეთოდებით ცდილობენ, 14 დეკემბერს, რეგიონებიდან ხალხის ჩაყვანას თბილისის აქციაზე (,,კონცერტზე":) )