„არავითაარი შეთანხმება არ მომხდარა, ვემზადებით უარესისთვის“

„არავითაარი შეთანხმება არ მომხდარა, ვემზადებით უარესისთვის“ - გრიგოლ ვაშაძე

პოლიტიკა - 22:32, 08 Dec, 2019

905

ცოტა ხნის წინ დასრულდა ოპოზიციისა და მმართველი გუნდის შეხვედრა საარჩევნო სისტემის ცვლილების მოედლეთან დაკავშირებით, რომელიც საერთაშორისო პარტნიორი ქვეყნების ელჩების მონაწილეობით იმართებოდა.

არავითარი შეთანხმება არ მომხდარა, გვაქვს უარესის იმედი - ეს განცხადება ჟურნალისტებთან ერთიანი ნაციონალური მოძრაობის თავმჯდომარემ გრიგოლ ვაშაძემ გააკეთა. მისი თქმით, საერთშორისო პარტნიორებმა ოპოზიციის მიერ შეთავაზებული მოდელიდან, ცალკე ამოიღეს მრავალმანდატიანი მაჟორიტარული ოლქების კომპონენტი და ხელისუფლებას მასზე მსჯელობა შესთავაზეს. ვაშაძეს არ აქვს იმედი, რომ ხელისუფლება რაიმე დათმობაზე წავა.

„არავითაარი შეთანხმება არ მომხდარა, არავითარი პოზიტიური შედეგი არ არის. მოხდა დათანხმდება, როცა მხარეები ვერ თანხმდებიან, საერთაშორისო პარტნიორებმა ამოიღეს ჩვენი დოკუმენტიდან მრავალმანდატიანი კომპონენტი და თქვეს, რომ მოდით ეს ცალკე განვიხილოთ. შევთანხმდით, რომ მომდევნო რაუნდზე ამას განვიხილავთ. გვაქვს უარესის იმედი და ვემზადებით უარესისთვის“ - განაცხადა გრიგოლ ვაშაძემ.

მისი თქმით, პროტესტი არ შეჩერდება და ის აუცილებლად გაგრძელდება.

შეხვედრის დასრულების შემდეგ ჟურნალისტებთან იუსტიციის მინისტრმა განაცხადა, რომ დიპლომატებმა მათ შესთავაზეს მსჯელობა ისეთ მოდელზე, რომელიც ჯდება საქართვეოს კონსტიტუციის ფარგლებში. კერძოდ, საუბარია მრავალმანდატიან მაჟორიტარულ ოლქებზე, ნაცვლად ერთმანდატიანისა.

თეა წულუკიანის თქმით, მმართველი გუნდი იმსჯელებს და მომდევნო შეხვედრაზე მათ გადაწყვეტილებას წარმოადგენენ.