ხელისუფლებამ მოფიქრებისთვის დრო ითხოვა - „ოცნებას“ დიპლომატებმა მრავალმანდატიან მაჟორიტარულ ოლქებზე მსჯელობა შესთავაზეს

პოლიტიკა - 22:31, 08 Dec, 2019

1034

ცოტა ხნის წინ დასრულდა ოპოზიციისა და მმართველი გუნდის შეხვედრა საარჩევნო სისტემის ცვლილების მოედლეთან დაკავშირებით, რომელიც საერთაშორისო პარტნიორი ქვეყნების ელჩების მონაწილეობით იმართებოდა.
როგორც შეხვედრის დასრულების შემდეგ ჟურნალისტებთან იუსტიციის მინისტრმა განაცხადა, დიპლომატებმა მათ შესთავაზეს მსჯელობა ისეთ მოდელზე, რომელიც ჯდება საქართვეოს კონსტიტუციის ფარგლებში. კერძოდ, საუბარია მრავალმანდატიან მაჟორიტარულ ოლქებზე, ნაცვლად ერთმანდატიანისა. თეა წულუკიანის თქმით, მმართველი გუნდი იმსჯელებს და მომდევნო შეხვედრაზე მათ გადაწყვეტილებას წარმოადგენენ.
„იყო საერთაშორისო აპრტნიორების მხრიდან შემოთავაზება, ხომ არ გვემსჯელა იმაზე, რომ არსებული კონსტიტუციის ფარგლებში, რომ საქართველოს პარლამენტის ერთი ნახევარი იყოს არა ერთმანდატიანი მაჟრიტარული, არამედ მრავალმანდატიანი, ოღონდ არსებული კონსიტუტიციის ფარგლებში. ჩვენ თვთქვით, რომ ვიმსჯელოთ, ჩვენ გვჭირდება ჩავიხედოთ დეტალებში. ოპოზიციამაც განაცხადა, რომ მათაც დასჭირდებათ მსჯელობა, აწყობთ და მოსწონთ თუ არა ეს მოდელი. ვფიქრობ, რომ კიდევ ერთი შეხვედრა გაიმართება“ - განაცხადა თეა წულუკიანმა.
უმრავლესობის წევრის ირაკლი კობახიძის თქმით, კი მრავალმანდატიან ოლქების საკითხზე იქნება მსჯელობა და ამის შემდგომ დაპიქსირდება მმართველი გუნდის პოზიცია.

„შევთანხმდით იმაზე, რომ მომდევნო სისტემაზე განიხილება მრავალმადნდატიანი მაჟორიტარული ოლქების საკითხი, ეს იდეა ეკუთვნოდათ საერთაშორისო პარტნიორებს, ჩვენ გვექნება მსჯელობა, ამის შემდეგ წარვადგენთ ჩვენს პოზიციას ამ იდეასთან დაკავშირებით“ - განაცხადა ირაკლი კობახიძემ.