“ევროპული საქართველოს“ ერთ-ერთმა ლიდერმა გიგა ბოკერიამ "ქართულ ოცნებასთან" შეხვედრის დაწყებამდე ჟურნალისტებთან კომენტარი გააკეთა.

მისი თქმით, პროტესტი გაგრძელდება მანამდე, სანამ გონს არ მოეგებიან და არ წაიღებენ უკან იმ შეურაცხყოფას, რაც საზოგადოებას მიაყენეს.

“პროტესტი გაგრძელდება, წნეხი და საერთაშორისო იზოლაცია ივანიშვილისა და მისი გუნდის, მანამდე, სანამ გონს არ მოეგებიან და არ წაიღებენ უკან იმ შეურაცხყოფას, რაც საზოგადოებას მიაყენეს. თუ არ მოეგებიან გონს, დაამთავრებენ ცუდად. ეს მოლაპარაკებების ფორმატი არის კარგი შესაძლებლობა, თუ მოეგება გონს ივანიშვილი, აქ გაფორმდეს პროცესი, რომ უკან წაიღო ეს შეურაცხყოფა და გადავიდეთ პროპორციულ სისტემაზე”,- განაცხადა ბოკერიამ.

ხელისუფლებისა და ოპოზიციის წარმომადგენლებს შორის შეხვედრა ამ წუთებში მიმდინარეობს.