„გაათავისუფლეთ პოლიტპატიმრები და პატივი ეცით ეუთოს რეკომენდაციებს“ - ევროპარლამენტარების კრიტიკა „ქართულ ოცნებას“

პოლიტიკა - 18:04, 08 Dec, 2019

1042

„ქართული ოცნების“ დეპუტატებს აკრიტიკებენ ევროპარლამენტარები და ქვეყანაში შექმნილ ვითარებაზე პასუხისმგებლობას ხელისუფლებას აკისრებენ. განცხადებები დღეს ევროპელმა დეპუტატემა ევრონესტის საპარლამენტო ასამბლეის ფარგლებში ქართველ კოლეგებთან შეხვედრის დასრულების შემდეგ გააკეთეს.

ევროპარლამენტარი ვიოლა ფონ კრამონ ტაუბადელი ამბობს, რომ ხელისუფლებამ ეუთო-ს მიერ გაცემული რეკომენდაციები უნდა გაითვალისწინოს.

„ჩვენი საერთო ინტერესია საქართველოში დემოკრატიის გაძლიერება. ამიტომ ვთხოვთ ყველას, რომ მხარი დაუჭირონ პოლიტიკურ დიალოგს. ასეთი დიალოგი დღეს საღამოს 18:00 საათზეა დანიშნული. უნდა ითქვას, რომ ეს შეხვედრა ძალიან მნიშვნელოვანია ნაბიჯია. ვთხოვ ხელისუფლებას პატივი სცეს ეუთო-ს ODHIR-ის რეკომენდაციებს, რომელიც უკიდურესად მნიშვნელოვანია", - აღნიშნა მან.

ჰემლუტ გეიუკინგო მიიჩნევს, რო ქვეყანაში უნდა ჩატარდეს სამართლიანი არჩევნები, რისთვისაც საჭიროა ისეთი საარჩევნო სისტემა, რომლიც ყველასთვის მისაღები იქნება.

ევროპარლამენტარები ასევე გამოეხმაურნენ ე.წ. გავრილოვის ღამის პატიმრების გათავისუფლების. ისინი დაკავებულებს პოლიტპატიმრებს უწოდებენ და აცხადებენ, რომ მიუღებელია იმ ადამიანების დაკავება, რომლებიც საკუთარ უფლებებს იცავდნენ.

„ჩვენი მოწოდებაა, რომ მოსამართლეთა არჩევა მოხდეს თავისუფალ და დემოკრატიულ გარემოში. ეს ფუნდამენტურია ჩვენთვის. ყურადღება მიაქციეთ კანონის უზენაესობას. გაათავისუფლეთ პოლიტპატიმრები. თქვენ ხართ ქვეყანა, რომელიც ევროკავშირში გაწევრება უნდა და მიუღებელია, რომ 2019 წელს ადამიანი ციხეში იჯდეს მხოლოდ იმის გამო, რომ ქუჩაში სამართლიანი არჩევნების ჩატარებას ითხოვდა“, - აცხადებს კიდევ ერთი ევროდეპუტატი.