ლაგოდეხის მუნიციპალიტეტის სოფელ უზუნთალაში მცხოვრები 70 წლის აბასალ სადიკოვის ოჯახში დააყაჩაღეს.

ოჯახის ახლობელი ამბობს, რომ თავდამსხმელები შეიარაღებულები იყვნენ და ნიღბები ეკეთათ.

სახლში მამაკაცი ცოლთან ერთად იმყოფებოდა. ადგილობრივების ინფორმაციით, თავდამსხმელებს ოჯახმა სიცოცხლის სანაცვლოდ ფული შესთავაზა. რის შემდეგაც უცნობმა პირებმა სადიკოვის მეუღლის კუთვნილი ორი ოქროს ბეჭედი და მობილური ტელეფონი წაიღეს.

მამაკაცს ცემის შედეგად, სხეულზე დაზიანებები აქვს მიღებული და ის ლაგოდეხის საავადმყოფოში მკურნალობს.

მომხდარზე გამოძიება ყაჩაღობის მუხლით დაიწყო.